სერ ალექს ფერგიუსონი არ კარგავს პოპულარობას მას შემდეგ, რაც "იუნაიტედის" მთავარი მწვრთნელის პოსტიდან წავიდა. ის გუშინ ლოს ანჟელესში, ოსკარის დაჯილდოების ცერემონიაზე შენიშნეს. ის არ ყოფილა საღამოს ერთადერთი ვარსკვლავი, რომლის სახელიც "იუნაიტედის" უკავშირდება- ღონისძიებას ყოფილი მანჩესტერელის, კრიშიანო რონალდოს მეგობარი გოგონა, ირინა შეიკი ესწრებოდა.











ფერგიუსონმა განაცხადა, რომ ცნობილი მსახიობებიდან მხოლოდ ლუპიტა ნიანგოს ესაუბრა, რომელმაც ფილმში "12 წელიწადი მონობაში" ქალი მსახიობის მეორეხარისხოვარი როლის საუკეთესოდ შესრულებისთვის პრიზი მოიგო: "მე E რიგში ვიჯექი, ასე რომ ყველაფერს შესანიშნავად ვხედავდი. კარგი ადგილი შემხვდა, ჩემს წინ მრავალი ვარკსვლავი ტრიალებდა, მაგრამ მათ არ გამოვლაპარაკებივარ. რამდენიმე მათგანს ბევერლი ჰილსის საღამოს შემდეგ ვესაუბრე. მათ შორის იყო ლუპიტა. მე მას წარმატებები ვუსურვე და მანაც პრიზი მოიგო."ფერგის განცხადებით, სამწვრთნელო კარიერის დასრულების შემდეგ მას ბევრი თავისუფალი დრო აქვს, ამიტომ გადაწყვიტა დასწრებოდა ღონისძიებას მეუღლესთან ერთად: "მე საკმაოდ მაქვს თავისუფალი დრო. ჩემმა იურისტმა მითხრა: "შენ აუცილებლად უნდა წახვიდე ლონ ანჟელეშსი". მე მას დავუჯერე. "






სერ ალექსმა მისი საყვარელი ფილმებიც დაასახელა:"ჩემი საყვარელი ფილმები? ნათლიმამა, ქარწაღებულნი და მაძიებელნი. ასევე შესანიშნავი ფილმია 12 გაბრაზებული კაცი."- ფერგიუსონმა შეაქო ოსკარის ტრიუმფატორი ფილმი, "12 წელიწადი მონობაში"-"დიახ, ეს შესანიშნავი ფილმია. მსახიობები შესანიშნავად ასრულებდნენ დავალებებს, ასე რომ ჯილდო სწორედ მათ ეკუთვნოდათ. "










"როგორც უკვე ვთქვი, მომეწონა "12 წელიწადი მონობაში". ასევე შესანიშნავი ფილმია "კაპიტანი ფილიპსი". ეს კინო არ იბრძოდა მთავარი ჯილდოსათვის, მაგრამ მაინც ჩემი ფავორიტია. ვიმედოვნებ, შევხვდები დანიელ დეი ლევისს, რომელმაც შესანიშნავად ითამაშა ფილმ "ლინკოლნში". ის არაჩვეულებრივი მსახიობია."

წყარო:dailymail