"მანჩესტერ იუნაიტედის" ესპანელ შემტევ ნახევარმცველს, ხუან მატას სჯერა, რომ მიმდინარე სეზონში არსებული პრობლემები და წარუმატებლობა კლუბის ბრძოლისუნარიანობაზე გავლენას არ მოახდენს.
"უკვე ნათელია, რომ მიმდინარე სეზონში ჩემპიონის ტიტულს ვეღარ მოვიპოვებთ. მაგრამ მიმაჩნია, რომ მომავალ წელსაც, ისევე როგორც ადრე ყველა ტურნირზე მხოლოდ გამარჯვებისთვის ვიბრძოლებთ." - აცხადებს მატა skysports.com.-თან ინტერვიუში.
"როცა ამ კლუბის საზღვრებს გარეთ ხარ, პლანეტის ერთ-ერთ უდიდეს გუნდს ხედავ. როცა აქ მოხვდები ხედავ, რომ ეს აბსოლუტური სიმართლეა. დარწმუნებული ვარ, რომ "მანჩესტერ იუნაიტედთან" ერთად ბევრს მივაღწევ."