რამდენიმე საათის წინ გავრცელდა დევიდ ასტორის ინტერვიუ, სადაც მან განაცხადა, რომ დიდი სიამოვნებით ითამაშებდა პრემიერ ლიგაში. სწორედ ამიტომ, დევიდ მოიესს იმედი აქვს მისი შეძენისა და სწორედ "კალიარის" ცენტრალური მცველი ჩაანაცვლებს ნემანია ვიდიჩს- წერს the Metro.
დევიდ მოიესი ამ ზაფხულს სერიოზული ტრანსფერების განხორციელებას აპირებს და სასურველი ფეხბურთელების სიაში დღეიდან ასტორიც ჩაეწერება, რომელიც 27 წლის გახლავთ და სერია ა_ს ერთ-ერთი საუკეთესო მცველია.
"მანჩესტერ იუნაიტედს" ტრანსფერის განხორციელებისთვის სერიოზული მუშაობა დასჭირდება, რადგან ასტორითი "რომა" და "მილანიც" ინტერესდებიან.
"მე ძალიან მიზიდავს პრემიერ ლიგა. ეს არის ლამაზი ჩემპიონატი,- დიდებული გუნდებით. რა თქმა უნდა მსურს ინგლისში თამაში".
"კალიარიმ" უკვე აღიარა ის ფაქტი, რომ მცველს ამ ზაფხულს დაკარგავენ. სწორედ ამიტომ, იტალიელები ცდილობენ ასტორი 10 მილიონად გაყიდონ.