იმ შემთხვევაში, თუ სეზონის ბოლოს "იუნაიტედს" დევიდ მოიესი დატოვებს, მის შემცვლელად ჰოლანდიის ნაკრების მთავარი მწვრთნელი, ლუის ვან გაალი განიხილება.
"ოლიმპიაკოსთან" განცდილმა მარცხმა, კიდევ უფრო გაამძაფრა მოიესზე ისედაც მწვავე ზეწოლა - ნათელია, რომ დევიდი თავის დავალებას ღირსეულად ვერ ართმევს თავს.
მეორე მხრივ თუ შევხედავთ, "ოლდ ტრაფორდზე" მოსვლამდე მოიესს მსგავს დონეზე არასდროს ჰქონდა ნამუშევარი. ერთდროულად რამდენიმე ფრონტზე ბრძოლა, ყველა ტურნირზე მიზნად გამარჯვების დასახვა - ყველაფერი ეს ახალია მოიესისთვის.
ასეთი გამოცდილებით კი ნამდვილად დაიკვეხნის 62 წლის ლუის ვან გაალი, რომელიც წარსულში "აიაქსს", "ბარსელონასა" და "ბაიერნს" წვრთნიდა. ბოლო კვირების განმავლობაში ლუისმა არაერთხელ განაცხადა, რომ მსოფლიო ჩემპიონატის მერე პრემიერ-ლიგაში სურს ძალების მოსინჯვა.
როგორც Daily Mirror იტყობინება, მიუხედავად იმისა, რომ "იუნაიტედის" ხელმძღვანელობა სახალხოდ მხარს უჭერს დევიდ მოიესს, მის გაშვებაზე მაინც ფიქრობენ. ამ ვაკანსიას კი ვან გაალი დაიკავებს.
გუშინ ცნობილი გახდა, რომ ვან გაალი ზაფხულში ნამდვილად დატოვებს ჰოლანდიის ნაკრებს, მის ადგილს კი გუუს ჰიდინკი დაიკავებს. ხმა დაირხა, რომ ვან გაალი "ტოტენჰემს" ჩაიბარებდა, მაგრამ "იუნაიტედის" ვარიანტი გაცილებით მიმზიდველი ჩანს ამ უაკანსკნელის რესურსებისა და ამბიციების გათვალისწინებით.
რომელ კლუბშიც არ უნდა გადავიდეს ლუის ვან გაალი, მის ასისტენტად ფრანკ დე ბური განიხილება - "აიაქსის" ამჟამინდელი მწვრთნელი. თავის დროზე ფრანკ დე ბური თამაშობდა ვან გაალის ხელმძღვანელობის ქვეშ "აიაქსში", "ბარსელონასა" და ჰოლანდიის ნაკრებში.
fapl.ru