"მანჩესტერ იუნაიტედის" მწვრთვნელი დევიდ მოიესი მზად არის, კარგად გამოიყენოს 200 მილიონი და შეიძინოს 5 უმაღლესი კლასის ფეხბურთელი.
დევიდ მოიესს ჯერ დარწმუნება მოუწევს იმაში, რომ "ოლდ ტრაფორდზე" კიდევ დატოვებენ. ტრანსფერების განხორციელებას კიდევ ერთი რამ ართულებს, პრობლემა იმაშია, რომ კლუბი სავარაუდოდ ჩემპიონთა ლიგაზე ვეღარ გავა. იგი მეოთხე ადგილზე მყოფს 11 ქულით ჩამორჩება.
დევიდ მოიესი პირველ რიგში ლუკ შოუს შეძენას შეეცდება, რომელიც ამ სეზონს ბრწყინვალედ ატარებს. იგი პატრის ევრას ჩაანაცვლებს. შოტლანდიელი სპეციალისტი მანგალას შეძენასაც შეეცდება, რომელიც ვიდიჩის წასვლის შემდეგ დაცვაში მნიშვნელოვანი ფიგურა გახდება.
დევიდ მოიესის კიდევ ერთი სამიზნე ტონი კროსი გახლავთ, რომელმაც კიდევ ვერ გააფორმა ახალი კონტრაქტი "ბაიერნთან". ამიტომ დიდი შანსია იგი "იუნაიტედში" ვიხილოთ.
"მანჩესტერ იუნაიტედს" ნახევარდაცვის ცენტრი მთლიანად ჩავარდნილი აქვს. მოიესი ამ პრობლემის მოგვარებას კარვალიოთი ეცდება, რომელსაც ენერგიულ ადამიანსაც უწოდებენ. არსებობს კიდევ ერთი ვარიანტი- ილკაი გუნდოგანი. მოიესის გეგმებში გერმანელი ნახევარმცველიც შედის, იმ შემთხვევაში თუ კარვალიოს ტრანსფერი ჩაიშლება.
ტრანსფერებთან ერთად კლუბს დატოვებს რამდენიმე მოთამაშე, კერძოდ კი ტომ ქლევერლი, შინჯი კაგავა, ანდერსონი, იანგი, ნანი და ჩიჩარიტო.
წყარო: http://www.caughtoffside.com/