მექსიკელმა უარყო ჭორები მისი მხრიდან ვან პერსის გაკრიტიკების თაობაზე.
როგორც მოგეხსენებათ, "იუნაიტედმა" კიდევ ერთი ძალზედ მნიშვნელოვანი მატჩი დათმო გასულ სამშაბათს და კიდევ უფრო შეიმცირა იმის შანსები, რომ გუნდი მიმდინარე სეზონში რაიმე თასს აღმართავს.
მატჩის დამთავრების შემდეგ, უამრავმა კომენტარმა და შეფასებამ გაიჟღერა, თუმცა ალბათ ყველასათვის ყურადსაღები, მაინც თავად ფეხბურთელების განცხადებებია. რობინ ვან პერსიმ, რომელმაც მატჩის მიწურულს რეალური საგოლე მომენტი გაუშვა ხელიდან, განავხადა, რომ მთელი მატჩის განმავლობაში მისი თანაგუნდელები მის ზონაში მოძრაობენ და ხელს უშლიან მას გუნდისთვის სარგებლის მოტანაში.
არც არის გასაკვირი, რომ ამ კომენტარსაც დიდი გამოხმაურება მოჰყვა, თუმცა ყველაზე საინტერესო მაინც ხავიერ ერნანდესის კომენტარი იყო, რომელიც როგორც მოგვიანებით გაირკვა, სულაც არ იყო კავშირში რობინ ვან პერსის მიერ გაკეთებულ განცხადებასთან. მექსიკელმა თავის Instagram-ზე მსგავსი სათაურის ფოტო განათავსა:
"თანაგუნდელების გარეშე, შენ არაფერს წარმოადგენ ფეხბურთში. იყავი ყოველთვის მადლიერი..."[center]
ყვითელ პრესას მორიგი სალაპარაკო მიეცა. შეიქმნა ისეთი ილუზია, თითქოსდა გუნდში განხეთქილებები არსებობდეს, თუმცა ეს ყველაფერი მხოლოდ ჭორია. ამაში დარწმუნების საბაბს ისევ ხავიერ ერნანდესის განცხადება გვაძლევს, რომელიც მან ამჯერად Twitter-ზე განათავსა:
განცხადება ქართულ ენაზე ასე ჟღერს:
"რატომ იღებს პრესა ყველაფერს სხვა კონტექსტში ? ჩემს კომენტარს Instagram-ზე არავითარი კავშირი აქვს რობინთან. ჩვენ დიდებული თანაგუნდელები ვართ, რომლებიც ერთსა და იმავე რამეს ვემსახურებით, გუნდს! და იმისდა მიუხედავად, რომ გუნდი ცუდად გამოიყურება, არსებობენ ადამიანები, რომელთაც ამ ყველაფრის უარესად დანახვა სურთ."წყარო:
Twitter