"მანჩესტერ იუნაიტედის" თავდამსხმელი, რობინ ვან პერსი აცხადებს, რომ მისი კლუბი მიმდინარე სეზონში მოჩვენებით ფეხბურთს თამაშობს.
"იუნაიტედის" უკანაკნელ წარუმატებლობას ბევრი ადამიანი დევიდ მოიესს აბრალებს. თუმცა პერსი თვლის, რომ ეს მწვრთნელი კი არა მთელი გუნდის ბრალია. არც ერთი ფეხბურთელი არ დგას მოწოდების სიმაღლეზე.
"ჩვენ მოჩვენებითად ვთამაშობთ და მოჩვენებით ადგილს ვიკავებთ პრემიერ-ლიგაში. ჩვენ ყველა სათასო ტურნირიდან გამოვვარდით და ჩემპიონთა ლიგაზეც მძიმე სიტუაციაში ვართ. იმედგაცრუებულნი ვართ და სამწუხაროდ ეს ყველასთვის წარუმატებელი სეზონია."
"მართალია ხანდახან კარგ ფეხბურთს ვაჩვენებთ, მაგრამ იშვიათად. და არც გვიმართლებს. თუმცა ეს არაა გამართლება. ჩვენ უნდა შევცვალოთ ეს სიტუაცია."
"ის (მოიესი) კლუბში ახალმოსულია და მას დრო აუცილებლად სჭირდება. ის თავდაუზოგავად მუშაობს, როგორც ჩვენ ყველა. საერთოდ ადვილია ყველაფრის მწვრთნელზე გადაბრალება, მაგრამ მე არ ვაპირებ ამის გაკეთებას. ჩვენ ჩვენი საქმე მოედანზე უნდა ვაკეთოთ." განაცხადა პერსიმ The Sun-თან ინტერვიუში.