"მანჩესტერ იუნაიტედის" ლეგენდა, პედი კრერანდი გაგებით ეკიდება საბერძნეთში განცდილ მარცხს და თვლის, რომ "ეშმაკებს" ჯერ კიდევ შესწევთ ყველაფრის გამოსწორებისა და მეოთხეთ ფინალში გასვლის ძალა.

MUTV-სთან ინტერვიუში პედი კრერანდი აბსოლუტურად დაეთანხმა დევიდ მოიესის განცხადებას, რომელშიც შოტლანდიელი სპეციალისტი ამბობს:"ეს საშინელი თამაში იყო".

"პირველ რიგში ფეხბურთელებმა უნდა გააცნობიერონ ეს ყველაფერი. ისინი უბრალოდ ვერაფერს აკეთებდნენ იმ ღამით."

"ყველანი გაოცებულნი ვართ - "კრისტალ პალასთან" მატჩის შემდეგ ჩვენ ვფიქრობდით, რომ ეს გამარჯვება ბიჭებს თავდაჯერებულობას შემატებდათ, მაგრამ სამწუხაროდ ეს ასე არ მოხდა."

"ევროპის სამშობლოში გასვლითი შეხვედრის ჩატარება რთულია. მნიშვნელობა არ აქვს ვინ ხარ. ისიც უნდა ვთქვა, რომ "ოლიმპიაკოსი" საშინლად კარგად თამაშობდა. მე ვფიქრობდი, რომ მათი გულშემატკივრები ფანტასტიურები იყვნენ და იქ არსებული სიტუაცია მთლიანად მათთვის იყო განკუთვნილი. ისინი ამით სულდგმულებდნენ, ჩვენ კი ვერა. არაფერია დასამწუხრებელი. ჩვენ უბრალოდ ცუდად ვითამაშეთ და ის მივიღეთ რაც დავიმსახურეთ."

კრერანდის გაოცება იმითაც იყო გამოწვეული, რომ ევროპაში "მანჩესტერ იუნაიტედი" ცუდად არ გამოიყურებოდა და ამის დასტურად "ლევერკუზენსაც" კი სძლიეს "ბაი არენაზე" 0-5.

"ევროპაში შესანიშნავად გამოვიყურებოდით და ჩვენი საუკეთესო შეხვედრა გასვლით მატჩებში უფრო ვაჩვენეთ, ვიდრე საშინაოში."

"ახლა კი "ოლდ ტრაფორდზე" დიდი, დიდი მატჩის მოლოდინში ვართ. ეს მატჩი დიდი იმ გაგებითაა, რომ 1/4 ფინალი ძალიან შორს ჩანს, ასე რომ "იუნაიტედმა" რაღაც უნდა გააკეთოს "ოლიმპიაკოსის" წინააღმდეგ."

კრერანდმა ისიც დაამატა, რომ რობინ ვან პერსის რომ თავისი შანსი გამოეყენებინა ახლა საქმე გაცილებით მარტივად იქნებოდა მოიესის ბიჭებისთვის.

"არამგონია ვინმე იმაზე მეტად იმედგაცრუებული ყოფილიყო, ვიდრე რობინი. ყველაფერი სხვაგვარად იქნებოდა 2-0 ნაცვლად 2-1 რომ დავმარცხებულიყავით"

"მიუხედავად იმისა რომ სამი გოლის გატანა ძალიან რთულია, მე მაინც მჯერა "იუნაიტედის", თუ რა თქმა უნდა გულშემატკივრებიც მხარში დაუდგებიან და ეს ასეც იქნება."

manutd.com