პორტუგალიელმა შემტევმა და "იუნაიტედის" "ლაზარეთის დარაჯმა" ოფიციალურ საიტთან ინტერვიუ ჩაწერა სადაც "მანჩესტერ იუნაიტედის" მდგომარეობაზე ისაუბრა.
"უნდა ვაღიაროთ, რომ ეს სეზონი წარმატებული არ გამოდგა. ჩვენ მოქმედი ჩემპიონები ვართ და ასეთ მდგომარეობაში ნამდვილად არ უნდა ვიყოთ.
ყველაფრის მიუხედავად ისიც გავითვალისწინოთ, რომ გუნდი ყველა დროის ერთ-ერთმა საუკეთესო მწვრთნელმა დატოვა და რთულია ამის შემდეგ კარგი სეზონის ჩატარება, თუმცა მოიესი ამისთვის ყველაფერს აკეთებს. ძალიან ბევრი მატჩი იყო ისეთი სადაც 3 ქულა უნდა მოგვეპოვებინა, თუმცა სამწუხაროდ ამის გაკეთება ვერ შევძელით".
ნანიმ ასევე კომენტარი გაუკეთა მის შესაძლო ტრანსფერს "იუვენტუსში", რომელსაც ტურინელები ზაფხულში გეგმავენ.
"არ ვიცი რა მოხდება ზაფხულში, თუმცა ახლა აქ ვარ და ბოლომდე "იუნაიტედს" ვეკუთვნი. მინდა რაც შეიძლება მალე დავბრუნდე მოედანზე და ჩემს გუნდს დავეხმარო." - დაასრულა ნანიმ.