მიუხედავად "ოლიმპიაკოსთან" განცდილი მარცხისა, "მანჩესტერ იუნაიტედის" ხელმძღვანელობა მაინც უცცხადებს ნდობას დევიდ მოიესს.
გამომდინარე იქიდან, რომ "იუნაიტედი" არც თუ ისე სახარბიელო მდგომარეობაშია პრემიერ-ლიგაში, თანაც ორივე ეროვნული თასიდან გამოვარდა, მოსალოდნელი იყო, რომ სეზონის გადარჩენა მხოლოდ ჩემპიონთა ლიგაზე მიღწეული წარმატებით იყო შესაძლებელი.
თუმცა გუშინ "წითელი ეშმაკები" 1/8 ფინალურ შეხვედრაში "ოლიმპიაკოსთან" დამარცხდნენ. დიდ სირთულეს არ წარმოადგენს იმის მიხვედრა, რომ მოიესის გუნდს 1/4 ფინალში გასვლა ძალიან გაუჭირდება.
მიუხედავად ამისა, გუშინდელ მარცხს ოდნავადაც არ შეურყევია მოიესის პოზიციები. როგორც The Guardian იუწყება, "იუნაიტედის" ბოსები ძველებურადვე ენდობიან შოტლანდიელს.