მაიკლ კერიკი განადგურებულია "ოლიმპიაკოსთან" განცდილი 2-0 მარცხის შემდეგ, თუმცა ფიქრობს, რომ "იუნაიტედს" ჯერ კიდევ აქვს ყველაფრის გამოსწორების ძალა.
"წითლებმა" ძალიან ცუდი შეხვედრა ჩაატარეს და შესაბამისად ალეხანდრო დომინგესისა და ჯოულ კემპბელის გოლების შემდეგ კიდევ უფრო დაშორდნენ 1/4 ფინალს.
კერიკი თვლის, რომ "იუნაიტედი" არასაკმარისად კარგი იყო. იმას ვერ აჩვენებდა რაც შეუძლიათ და სჯერა, რომ დევიდ მოიესის ბიჭები ყველაფერს სამ კვირაში გამოასწორებენ.
"ეს იმედგაცრუების საღამო იყო. ჩვენ იმ იმედით ჩამოვედით, რომ მოვიგებდით და ჩვენ ეს ვერ გავაკეთეთ. მეორე ტაიმში არ გავაქტიურებულვართ, სანამ ეს უკვე გვიანი აღარ აღმოჩნდა."
"ჩვენ ძალიან კარგ მდგომარეობაში ვიყავით პირველი ტაიმის განმავლობაში, თუმცა მეტოქის საჯარიმოსთან რეალურ მომენტებს ვერ ქმნიდით და ვერც პრობლემებს ვუქმნიდით "ოლიმპიაკოსს". არც მათ შეუქმნიათ რაიმე რეალური პრობლემა და (დომინგესის) გოლიც არაფრისგან გავიდა.
"მეორე ტაიმიც ცუდად დავიწყეთ: ჩვენ ცოტათი დაუდევრად ვითამაშეთ და მეტოქემ მეორე გოლიც გაგვიტანა, რამაც საბოლოოდ გაგვტეხა."
"მაგრამ ჯერ არაფერი დასრულებულა. ჩვენ "ოლდ ტრაფორდზე" იმედით ვბრუნდებით და მეორე მატჩში ყველაფერს გადავწყვეტთ. არასწორად არ გამიგოთ: სამი გოლის გატანა რთულია ამ ტურნიტზე, მაგრამ ეს ადრეც გაგვიკეთებია და ახლაც შეგვიძლია."
რობინ ვან პერსის არაჩვეულებრივი შანსი მიეცა საგარეო მატჩში გოლი გაეტანა, მაგრამ ჰოლანდიელმა ვერ გამოიყენა.
კერიკი ამბობს, რომ არ ღირს მთელი წარუმატებლობის თავდამსხმელებზე გადაბრალება და პასუხისმგებელი ყველაა გუნდში.
"რობინს ნუ დაადანაშაულებთ. ის შანსებს ქმნიდა და შეეძლო გაეტანა, მაგრამ დღეს არ იყო მისი დღე."
"თქვენ ელოდებით ალბათ, რომ ვინმეს დავდებ ბრალს, მაგრამ როგორც მოთამაშეებს, არ გვაქვს კარგი შედეგები. ეს გუნდია და აქ ყველა ერთნაირადაა პასუხისმგებელი. აი როგორ უნდა გაგვასამართლოთ და ჩვენ ვიცით ეს."
"ბოლო წლების განმავლობაში სტაბილურ მოთამაშეებად ჩამოვყალიბდით, ეს სეზონი კი არ გამოდგა კარგი. ყველა მხრიდან კრიტიკა გვესმის."
"ყველას აქვს ჩავარდნა. ჩვენ უკან უნდა ჩამოვიტოვოთ ეს ყველაფერი და მჯერა, რომ ამას გავაკეთებთ." - განაცხადა კერიკმა ITV-სა და Sky Sports-თან ინტერვიუში.
სიახლეები, ახალი ამბები, ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.