"მანჩესტერ იუნაიტედის" თავდამსხმელი, უეინ რუნი თვლის, რომ მისმა კლუბმა 2011/2012 წლების სეზონის "ჩელსის" შედეგებისგან უნდა აიღოს მაგალითი.

შიდა ჩემპიონატში არსებულმა პრობლემებმა - მეექვსე ადგილმა და ორივე ეროვნული თასის გათამაშებიდან გამოვარდნამ, "მანჩესტერ იუნაიტედი" მიიყვანა იქამდე, რომ მთელი ყურადღება ევროპაზეა გადატანილი.

1/8 ფინალური შეხვედრის წინ, რომელიც "ოლიმპიაკოსის" წინააღმდეგ უნდა გაიმართოს, რუნიმ განაცხადა, რომ მისი გუნდი ტურნირის მოგებას შეეცდება. რუნის აზრით "იუნაიტედმა" "ჩელსისგან" უნდა აიღოს მაგალითი, რომელმაც მიუხედავად იმისა, რომ ორი წლის წინ ფავორიტად არ ითვლებოდა, ტურნირის მოგება მაინც მოახერხა.

"იმ სეზონში, როცა "ჩელსიმ" ტურნირი მოიგო სამჯერ შეიძლებოდა გამოვარდნილიყო ლონდონური კლუბი. ამიტომაც ჩვენ ყველაფერი უნდა გავაკეთოთ, მიუხედავად იმისა, მივაღწიეთ თუ არა საჭირო რეზულტატს." - განაცხადა რუნიმ The telegraph-თან ინტერვიუში.

fapl.ru