"მანჩესტერ იუნაიტედის" ხელმძღვანელმა, დევიდ მოიესმა განაცხადა, რომ სეზონის დარჩენილ ნაწილში მას რუნის და პერსის გოლების იმედი აქვს.
იანვრის შემდეგ პირველად გაიტანა ორივე თავდამსხმელმა ერთ მატჩში. ეს კი სამხრეთ ლონდონში, "კრისტალ პალასთან" გამართულ შეხვედრაში მოხდა. ორივე მოთამაშე უბრუნდება ფორმის პიკს.
სტატისტიკის მიხედვით, "იუნაიტედმა" 36 შეხვედრიდან, რომელსაც რუნი და პერსი ერთად იწყებდნენ, მხოლოდ ორი წააგო. მოიესი უდიდეს იმედებს ამყარებს ამ დუეტზე. "ორივე ძალიან მნიშვნელოვანია იმისტვის, რასაც ჩვენ ვაკეთებთ. ორივე დიდებული მოთამაშეა."
"ჩვენი სტატისტიკა მათთან ერთად, გაცილებით უკეთესია, ვიდრე მათ გარეშე. ორივეს ტრავმა აწუხებდა - რობინი უფრო დიდხანს გვაკლდა ვიდრე რუნი - ახლა კი ორივე კარგადაა"
"ორივე ბომბარდირია და ორივეს გააქვს გოლები, რომელიც ასე მნიშვნელოვანია ჩვენთვის. სწორედ ამიტომ არიან ისინი ტოპ-კლასის მოთამაშეები. ისინი დიდ მატჩებში იტანენ გოლებს და დიდ მომენტებსაც ქმნიან." - განაცხადა მოიესმა Manchester Evening News-თან ინტერვიუში.