პრემიერ ლიგის ამჟამინდელმა ჩემპიონებმა ტიტულის დაცვის ურთულესი გზა გამონახეს და ახლა ისინი მეექვსე ადგილს იკავაბენ მიმდინარე სეზონში. რუნი აცნობიერებს იმ ფაქტს, რომ მოიესის ხელმძღვანელობით გუნდი ნამდვილად ვერ ატარებს კარგ სეზონს და იმედოვნებს, რომ ისინი სეზონს დამაჯერებლად დაასრულებენ, რათა შემდეგი უფრო იმედისმომცემი და შედეგიანი გამოდგეს.

"ჩვენ, ფეხბურთელებმა უნდა ავიღოთ პასუხისმგებლობა იმაზე, რომ დღეს "იუნაიტედი" პრემიერ ლიგის ცხრილში მეექვსე ადგილს იკავებს." აცხადებს რუნი. "ვიცით რომ უკეთესები ვართ და არ ვატარებთ ისეთ მატჩებს, როგორიც შეგვფერის. ეს ნამდვილად გულდასაწყვეტია. ახლა მნიშვნელოვანია სეზონი კარგად ჩავამთავროთ და მუხტი მომდევნო სეზონს გადავცეთ, თუმცა ამაზე მნიშვნელოვანი ოთხეულში შესვლა და ჩემპიონთა ლიგაზე კარგად ასპარეზია."

ამ წარუმატებლობის ერთ-ერთი მთავარი მიზეზი ის გახლავთ, რომ მოიესს არ მიეცა შანსი უფრო მეტჯერ გამოეყენებინა გუნდის მთავარი დუეტი, რობინ ვან პერსისა და უეინ რუნის სახით. ამ ყველაფერს კი ხელი ტრავმებმა შეუშალა. ამ შესანიშნავი წყვილის მონაწილეობით, საერთო ჯამში ჩატარებული 36 მატჩიდან, "იუნაიტედმა" მხოლოდ ორი მათგანი დათმო და რუნი აღიარებს, რომ გულდასაწყვეტია ის ფაქტი, ტრავმების გამო მას არ მიეცა საშუალება უფრო მეტჯერ ეთამაშა ჰოლანდიელის მხარდამხარ.

"რობინი შესანიშნავი ფეხბურთელია. ის ერთ-ერთი საუკეთესო ფორვარდია მთელს მსოფლიოში. ჩვენ ერთად თამაშის სასიამოვნო რეკორდი გვაქვს. სამწუხაროდ, ტრამვა ერთდროულად მივიღეთ და იმედი მაქვს, რომ ფორმაში დავრჩებით და დავეხმარებით გუნდს გამარჯვებების მოპოვებაში. როდესაც ფორმაში ვართ, ჩვენ გაგვაქვს გოლები, მაგრამ გუნდში არიან ფეხბურთელები, რომელთაც ასევე მშვენივრად გამოსდით ამის გაკეთება." დაასრულა რუნიმ.

წყარო: SkySPORTS