ინგლისელი ფორვარდი აღიარებს, რომ ჩემპიონთა ლიგის მეორე ტიტული შესანიშნავი იქნება ახალი, გრძელვადიანი კონტრაქტის აღსანიშნავად
მთელი ზაფხულის განმავლობაში რუნის მომავალს აქტიურად უკავშირებედნენ "არისტოკრატებს", თუმცა ამ ჭორებს საბოლოოდ მოეღო ბოლო, როდესაც გასულ კვირას ინგლისელმა 5 წლიან კონტრაქტს მოაწერა ხელი.
კაპიტნობის მთავარი კანდიდატი მოიაზრება ფეხბურთელად, რომელიც გუნდს ძველ დიდებას დიდებას დაუბრუნებს და თავადაც არ მალავს იმას, რომ მას სურს ამ სეზონშივე დაეუფლოს ჩემპიონთა ლიგის ტიტულს. რუნი ირიცხებოდა "იუნაუტედში", როდესაც ამ კლუბმა ევროპა დაიპყრო და ჩემპიონთა ლიგის ფინალში "ჩელსი" დაამარცხა.
"შენ ყოველთვის გინდა ამის მოგება". განაცხადა რუნიმ, რომელიც დევიდ მოიესის გვერდით იჯდა, "ოლიმპიაკოსთან" გასამართი ორთაბრძოლის წინასამატჩო პრესკონფერენციაზე.
"ერთი არასოდესაა საკმარისი, განსაკუთრებით მაშინ, როცა ამ კლუბში ხარ. შენ არ უნდა შეწყვიტო ცდა, რათა ამ ჩემპიონატის ფინალს მიაღწიო. გრძნობა, რომელიც ამ თასის მოპოვების შემდეგ გეუფლება, ენით აღუწერელია. ამიტომ უბრალოდ შანსი არ არის, რომ მხოლოდ ერთით დაკმაყოფილდე. თუ ჩვენ ფინალში გავალთ, შესანიშნავი იქნება. შანსი გაჩნდება იმისა, რომ მორიგ ტიტულს დავეუფლოთ და იმედი მაქვს, ჩვენ ამის ძალა შეგვწევს."იმისდა მიუხედავად, რომ "ოლიმპიაკოსი" შესაძლოა ჩემპიონატის ყველაზე სუსტ გუნდად მიიჩნეოდეს, "იუნაიტედი" აუთსაიდერთა სიაშია და შანსი იმისა, რომ "წითლები" 24 მაისს, ჩემპიონთა ლიგის ფინალში ითამაშებენ, ძალიან მცირეა. "იუნაიტედი" პრემიერ ლიგის ცხრილში მეექვსე ადგილს იკავებს და 11 ქულით ჩამორჩება მეოთხე ადგილზე მყოფ "ლივერპულს", მაგრამ რუნი ყველაფრისდა მიუხედავად აცხადებს, რომ სისულელე იქნება თუ ხალხი "ეშმაკუნებს" ჩამოწერს ჩემპიონთა ლიგის შესაძლო გამარჯვებულების სიიდან.
"იმ წელს, როდესაც "ჩელსი" ამ ტიტულს დაეუფლა, ისინი სამჯერ კინაღამ გამოეთიშნენ ასპარეზს." - აგრძელებს ინგლისელი ფორვარდი.
"ჩვენ კარგად გამოვიყურებით ჩემპიონთა ლიგის მიმდინარე სეზონში და იმედი მაქვს ეს ყველაფერი სამშაბათსაც ("ოლიმპიაკოსის" წინააღმდეგ) გამოჩნდება. გუნდში გვაქვს იმის საშუალება რომ ეტაპები გადავლახოთ, ასე რომ, იმედია მოვახერხებთ ამ ყველაფერს." დაასრულა რუნიმ.
წყარო:
SkySPORTS