შინჯი კაგავას იმედი აქვს, რომ "იუნაიტედი" თავისთვის სასურველ შედეგს მიაღწევს ჩემპიონთა ლიგის 1/8 ფინალურ შეხვედრაში, რომელშიც "წითლები" "ოლიმპიაკოსს" დაუპირისპირდებიან. თუმცა კაგავას ესმის, რომ ამ ეტაპზე სუსტი მეტოქეები აღარ დარჩნენ. აღსანიშნავია, რომ სახლში გამართულ 19 შეხვედრაში, ბერძნებმა მხოლოდ ერთხელ წააგეს და ისიც ჯგუფის გამარჯვებულ, "პსჟ"-სთან.
"ჩემპიონთა ლიგის ამ ეტაპზე უკვე აღარ შეიძლება შეცდომების დაშვება, თორემ იქ აღარ იქნები -განაცხადა კაგავამ ManUtd.com-თან ინტერვიუში - პირველი გასვლითი შეხვედრა ძალიან მნიშვნელოვანია და აუცილებელია სასურველი შედეგის მიღწევა. ჩვენს გუნდში საკმარისად არიან გამოცდილი მოთამაშეები და ეს, იმედი მაქვს დაგვეხმარება დავალების შესრულებაში."
"გასულ სეზონში ჩვენი ასპარეზობა 1/8 ფინალურ ეტაპზე შეწყდა. ასე, რომ წელს უფრო მეტის მიღწევა გვსურს და პირველი საპლეი-ოფო ბარიერის გადალახვა. "ოლიმპიაკოსი" - ძლიერი გუნდია. თუმცა ისიც ვიცით, რომ ამ ტურნირზე ადვილი მატჩები არ არსებობს. ეს კი ნიშნავს, რომ იმაზე უკეთესად უნდა მოვემზადოთ, ვიდრე ეს შესაძლებელია."