"მანჩესტერ იუნაიტედის" ახალწვეული, ხუან მატა ყოველკვირეულად პერსონალურ ბლოგზე "ხვდება" გულშემატკივრებს. ამჯერად იგი საუბრობს იმაზე, რომ მისი თანაგუნდელები ატენში გაფრინდნენ, ის კი მანჩესტერიდან დაუჭერს მხარს და იმედოვნებს, რომ წარმატებით დაბრუნდებიან.

"დღეს ჩემი თანაგუნდელები ნივთებს ალაგებენ რათა ათენში გაემგზავრონ, მე კი აქ, მანჩესტერში ვრჩები და აქედან ვუჭერ მხარს, რადგანაც წასვლა არ შემიძლია. როგორც იცით, მას შემდეგ რაც ჯგუფურ ეტაპზე ჩავატარე რამდენიმე შევედრა "ჩელსის" მაისურით, მე აღარ მაქვს უფლება იმავე ტურნირზე სხვა გუნდის შემადგენლობაში ვითამაშო. ეს სამწუხაროა, რადგან ჩემპიონთა ლიგა განსაკუთრებული ტურნირია და მე კარგი მოგონებები მაკავშირებს მასთან, რამეთუ ორი წლის წინ იგი მოვიგე."

"გეტყვით, რომ ჩემი თანაგუნდელები ძალიან აღელვებულები არიან. მე მჯერა რომ შეგვიძლია წარმატების მიღწევა. მე ისევე ვუჭერ მათ მხარს, როგორც ნებისმიერი სხვა გულშემატკივარი."

"კარაისკაკისზე გუნდი რთული მეტოქეა. ისინი ლიდერობენ ლიგაში. მითროგლუმ-მათი ბომბარდირი და ვაისმა კლუბი იანვარში დატოვეს, მაგრამ "ოლიმპიაკოსმა" ორი კარგი მოთამაშე, ვალდესი და ერნან პერსი დაიმატა. "ოლიმპიაკოსს" რამდენიმე ფეხბურთელი ჰყავს შემადგენლობაში, რომელიც ლა ლიგაში გამოდიოდა: რობერტო, სავიოლა, ჩორი, დევიდ ფუსტერი და ჯოულ კემპბელი. იგივეს თქმა შეიძლება მენეჯერზე, მიშელზე, რომელსაც "რეალ მადრიდ კასტილიაში" ვხედავდი.

ნერვიულობისგან ალბათ ფრჩხილებს დავიჭამ, როცა მატს მივადევნებ თვალს. ისევე განვიციდი, როგორც თქვენ. მაგრამ ჩვენ ძალიან მონდომებულები ვართ ამ მატჩის წინ. რამდენიმე კარგი ვარჯიში და "კრისტალ პალასთან" გამარჯვება კი ამაში ძალიან დაგვეხმარა. ამ სამმა ქულამ დიდი თავდაჯერებულობა შეგვმატა. მე ვფიქრობ გუნდურად ვთამაშობდით და ეს სუფთა მოგება იყო."

"მატჩი განსაკუთრებული იყო რუნისთვის, მას შემდეგ რაც ახალ კონტრაქტს მოაწერა ხელი და ძალიან ბედნიერი იყო. ის ამას იმსახურეს. ის განსაკუთრებული მოთამაშეა კლუბისთვის და ჩვენთვის დიდი პრივილეგიაა, რომ ის ჩვენთან რჩება რამდენიმე წლის მანძილზე."

"რაც შემეხება მე - 5 ჩატარებული მატჩის შემდგომ სულ უფრო და უფრო მეჩვენება, რომ თანაგუნდელების უკეთ მესმის მოედანზე. სიმართლე კი ისაა, რომ ასეთი დონის მოთამაშეების გვერდით ყველაფერი მარტივი ხდება.

manutd.com