რაფაელ ბენიტესი თვლის, რომ "ჩელსიმ" თავისი საუკეთესო მოთამაშე გაუშვა "მანჩესტერ იუნაიტედში".
მატა 37.1 მლნ. ფუნტად შეუერთდა "იუნაიტედს" მას შემდეგ რაც მოურინიომ თავის გეგმებში ესპანელის ადგილი ვერ დაინახა.
ბენიტესის მცირედი თავკაცობის დროს, როცა იგი "ჩელსის" წვრთნიდა, ხუან მატამ მეორედ ზედიზედ შეძლო "ჩელსის" წლის საუკეთესო მოთამაშის წოდების მოგება. ბენიტესის თქმით, მატას როლი ლონდონურ კლუბში უდიდესი იყო.
"მე აქ "ჩელსიზე" სალაპარაკოდ არ მოვსულვარ -განუცხადა ბენიტესმა ჯურნალისტებს - მაგრამ მატა "ჩელსის" საუკეთესო ფეხბურთელი იყო ბოლო ორი წლის განმავლბაში. ეს ასეა. თქვენც შეგიძლიათ ამაში დარწმუნდეთ. მაგრამ აქ იმისთვის არ ვარ, რომ ამას ანალიზი გავუკეთო."
ბენიტესმა ეს განცხადება ევროპის ლიგის ეგიდით ჩატარებული შეხვედრის წინ გააკეთა. მოგეხსენებათ მისი კლუბი, "ნაპოლი" ევროპის ლიგაზე "სუონსი სიტის" შეხვდა.