ინგლისის ნაკრების მთავარი მწვრთნელი, როი ჰოჯსონი მოხარულია იმით, რომ რუნიმ თავისი მომავალი მსოფლიო ჩემპიონატამდე გადაწყვიტა. გარდა ამსა, ჰოჯსონი "მანჩესტერ იუნაიტედის" თავდამსხმელსში, ინგლისის ნაკრების მომავალ კაპიტანს ხედავს.
პარასკევს რუნიმ კონტრაქტი გაახანგრძლივა "წითელ ეშმაკებთან" 2019 წლამდე. ეს რომ არ გაეკეთებინა, რუნის კონტრაქტის ამოწურვამდე მხოლოდ წელიწადი რჩებოდა, წინ კი მსოფლიო ჩემპიონატია.
ჰოჯსონი მოხარულია იმით, რომ მისი გუნდის მნიშვნელოვანი ფიგურა თავისუფალი იქნება სატრანსფერო სპეკულაციებისგან. ჰოჯსონის აზრით, უეინი ღირსია სტივენ ჯერარდისგან მიიღოს კაპიტნის სამკლაური, იმ შემთხვევაში, თუ სტივენი ნაკრებს დატოვებს მსოფლიო ჩემპიონატის შემდეგ.
"რუნის ვენდობი. ვფიქრობ მაშინაც, კი მოახერხებდა რუნი მსოფლიოს ჩემპიონატზე კონცენტრირებას, მისი მომავალი გადაწყვეტილი რომ არ ყოფილიყო. მე არავითარი ეჭვები არ მაქვს მასთან დაკავშირებით, მაგრამ ის გახარებული უნდა იყოს იმით, რომ თავისი კარიერის დარჩენილ წლებს "მანჩესტერ იუნაიტედსა" და ინგლისის ნაკრებს მიუძღვნის."
"მომავალში თუ გავიხედავთ რუნის და ჯერარდს ნამდვილად არ ჩამოვწერდი. სტივენ ჯერარდი შესანიშნავად გამოიყურება "ლივერპულის" შემადგენლობაში და უდიდეს როლს თამაშობს მათ წარმატებაში. უეინიც კარგად გამოიყურება "იუნაიტედის" შემადგენლობაში."
"ძალას არ დავიშურებ, რომ ამ ფეხბურთელებმა იქამდე ითამაშონ ნაკრებში, ვიდრე შეუძლიათ და ამის სურვილიც აქვთ. დარწმუნებული ვარ, რომ უეინი ნაკრების მომავალი კაპიტანია."
"ჩვენ რამდენიმე მოთამაშეს ვემშვიდობებით, რომლებიც წარსულში შესანიშნავად გამოიყურებოდნენ. დარწმუნებული ვარ, როცა ჯერარდი თავის ბუცებს ჩამოკიდებს, რუნი მზად იქნება იგი შეცვალოს." - ციტირებს ჰოჯსონის სიტყვებს Sky Sports.