ნემანია ვიდიჩი დღეს დღეობით გუნდის ღირსებას იცავს, მაგრამ სეზონის ბოლოს დიდი ალბათობით ის სხვა კლუბში გადაბარგდება. ეს ყველაფერი კი დევიდ მოიესს საფიქრალს უჩენს თუ ვის გადასცეს კაპიტნის სამკლაური სერბი მცველის გუნდიდან წასვლის შემდეგ.

სწორედ უეინ რუნი მოისაზრება კაპიტნობის ერთ-ერთ მთავარ კანდიდატად, მას შემდეგ რაც მან ახალ 5 წლიან კონტრაქტს მოაწერა ხელი. ვიდიჩი მიიჩნევს რომ ეს ფაქტი კლუბისთვის სასიცოცხლოდ მნიშვნელოვანია და თანადგომას უცხადებს ინგლისელ ფორვარდს.

"რუნი დიდი ფეხბურთელია და კლუბში დარჩენა მისთვისაც მნიშვნელოვანი გახლავთ". აცდადებს ვიდიჩი Sky Sport-სთან ინტერვიუში, "კრისტალ პალასის" დამარცხების შემდეგ. "უეინმა გრძელვადიან კონტრაქტს მოაწერა ხელი და რამდენიმე წელში იგი კლუბისთვის ერთ-ერთი ყველაზე მნიშვნელოვანი ფეხბურთელი გახდება."

როდესაც ნემანიას ჰკითხეს, თუ რაოდენ დიდია შანსი იმისა რომ რუნი გახდებოდა მომდევნო კაპიტანი, მან ასე უპასუხა: "სიმართლე რომ გითხრათ ეს მწვრთველზეა დამოკიდებული და სწორედ მან უნდა დანიშნოს გუნდში ახალი კაპიტანი. რუნი მთავარი კანდიდატია და სულაც არ გამიკვირდება თუ სწორედ მან მოირგო კაპიტნის სამკლაური." დაასრულა ვიდიჩმა.

წყარო: SkySPORTS