"მანჩესტერ იუნაიტედის" ხელმძღვანელი, დევიდ მოიესის თქმით, უეინ რუნი იმ თითოეული პენის ღირსია, რომელსაც იგი ახალი კონტრაქტის გაფორმების შედეგად იღებს.
ახალი კონტრაქტის მიხედვით, რომელსაც რუნიმ პარასკევს მოაწერა ხელი, 300 ათას ფუნტს მიიღებს კვირაში. უახლოესი 5 წლის განმავლობაში კი მისი შემოსავალი 85 მლნ. ფუნტით გაიზრდება.
28 წლის ინგლისელთან კონტრაქტის გაფორმება მოიესს უდიდეს წარმატებად მიაჩნია. მისი აზრით რუნი ამ თანხის ღირსია.
"ეს არაჩვეულებრივი ამბავია. ეს არაჩვეულებრივი კონტრაქტია ჩვენთვის. უეინ რუნის დონის ფეხბურთელის შესყიდვა უდიდეს თანხებთანაა დაკავშირებული, ან ასეთი დონის მოთამაშეები საერთოდ ხელმიუწვდომელია"
"მფლობელებს, დირექტორს და მეც არასდროს გვქონია იმის სურვილი, რომ რუნი გუნდიდან გაგვეშვა. რუნი პირველივე დღიდან დიდებული იყო, ეს ნამდვილად ასეა. ამ სეზონში კარგად ვარჯიშობს, ცდილობს და თამაშობს"
"რუნი- ტოპ-კლასის მოთამაშეა და ის სწორედ იმ სიმაღლეზე იმყოფება, რომელზე დგომაც ფეხბურთელს შეუძლია. ყველაფერს, რასაც იგი გმაოიმუშავებს, იმსახურებს კიდეც." - ციტირებს მოიესის სიტყვებს Manchester Evening News.