დევიდ მოიესმა "კრისტალ პალასთან" მატჩის შემდგომ პრეს-კონფერენცია გამართა.
მოწინააღმდეგე
"ტონი პიულისის და მისი გუნდის სტუმრობა ამ ბოლო დროს ადვილ საქმეს არ წამოადგენს. ისინი ბევრ გოლს არ უშვებენ, რაც გუშინაც დამტკიცდა. საბედნიეროდ ჩვენ მათი გატეხვა შევძელით და მატჩიც ჩვენს სასარგებლოდ დასრულდა."
"პირველი გოლი ყოველთვის მნიშვნელოვანია პრემიერ-ლიგაში. ამ თამაშში ჩვენ ნამდვილად დავიმსახურეთ მოგება."
უეინ რუნი
"მისი გოლი შესანიშნავი იყო. პატრისმა შესანიშნავი პასი გაუკეთა ინგლისელს და არც მან დააყოვნა."
"უეინი ნამდვილად მნიშვენლოვანი ფეხბურთელია ჩვენთვის. მისი შეცვლა ძალიან გაგვიჭირდობოდა. ძალიან ბევრ კლუბს სურდა რუნის ყიდვა. ის მსოფლიოს ერთ-ერთი საუკეთესო მოთამაშეა, რასაც ყოველ კვირას ამტკიცებს. მას შეუძლია კლუბის ისტორიაში ოქროს ასოებით ჩაიწეროს მისი სახელი. დიდი იმედი მაქვს, რომ ის ისევ გააგრძელებს ჩვენთვის წარმატების მოტანას."
ჩემპიონთა ლიგა
"ჩემპიონთა ლიგა ძალიან მნიშვნელოვანია ჩვენთვის. სამშაბათს კარგი შედეგი უნდა დავაფიქსიროთ. ჩვენ რამდენიმე ფეხბურთელი დავასვენეთ "კრისტალ პალასთან" მატჩში, რადგან დასვენებულებს ეთამაშათ "ოლიმპიაკოსთან" მატჩი. ჩვენ მზად ვიქნებით სამშაბათისთვის."