მას შემდეგ რაც მარუან შამახმა საჯარიმოში იუხეშა პატრის ევრას წინააღმდეგ და რობინ ვან პერსიმ 11 მეტრიანი უნაკლოდ შეასრულა, უეინ რუნიმ ანგარიში ორამდე დიდებული გასროლით გაზარდა.

"დღეს მნიშვნელოვანი შედეგი ვაჩვენეთ". აცხადებს რუნი მატჩის შემდეგ. "ჩვენი 10 დღის მანძილზე არ გვქონდა ნათამაშები და ეს მნიშვნელოვანი მატჩი იყო. სასიამოვნო გამარჯვება მივიღეთ, ფიქრობ რომ კარგად ვითამაშეთ და ბურთსაც ასევე კარგად ვაკონტროლებდით."

"ბურთს ვფლობდით და მეტი მომენტის შექმნა შეგვეძლო." აგრძელებს იგი Sky Sport-თან ინტერვიუში. "ამით ჩვენ ვხვდებოდით, რომ თუ ერთს გავიტანდით ამას შემდეგიც მოყვებოდა და გამარჯვებულები დავრჩებოდით. ყოველთვის მნიშვნელოვანია პირველი გოლის გატანა. საბედნიეროდ რობინმა შეძლო პენალტის გამოყენება და ჩვენ მეორე გოლის გატანაც არ გაგვიჭირდა. საბოლოოდ კი გამარჯვებულები დავრჩით."

რუნიმ პირველად გაიტანა ბოქსინგ დეის შემდეგ. მან უკანასკნელად "ჰალ სიტის" კარი დალაშქრა ასევე ლამაზი დარტყმით. 10 ნომერი მიიჩნევს, რომ კონტრაქტის გახანგრძლივებას არავითარი კავშირი არ აქვს და ექნება მის მიერ ჩატარებულ მატჩებზე.

"მე უბრალოდ ვცდილობდი კარგად მეთამაშა და გუნდს დავხმარებოდი. მოვაწერდი თუ არა კონტრაქტს ხელს, ამას მნიშვნელობა არ აქვს. მე ყოველთვის 110%-ით ვიხარჯები მოედანზე. გოლის მომენტში ბურთი ნამდვილად დასარტყმელ ადგილას იყო. ვიცოდი, თუ მას შესაბამისად დავარტყამდი, შანსი მექნებოდა." დაასრულა რუნიმ.

წყარო: Manutd.com