"მანჩესტერ იუნაიტედის" პლეიმეიკერი, ხუან მატა, რომელიც იანვარში შეუერთდა "წითელ ეშმაკებს" გამოტყდა, რომ მისმა ყოფილმა მწვრთნელმა, ჟოზე მოურინიომ ურჩია წასულიყო მანჩესტერში, რადგან მიუხედავად დიდი მცდელობისა, მას "ჩელსის" ძირითადში ადგილის დაკავება არ ელოდა.

"ჩვენ ვსაუბრობდით და მან (მოურინიომ) მითხრა, რომ ეს ჩემთვის კარგი ვარიანტი იქნებოდა. მეც ვუთხარი რომ სწორედ ასე ვფიქრობ. მე არ ვთამაშობდი და სიმართლე რომ გითხრათ, ბედნიერი ვარ როცა ფეხბურთს ვთამაშობ. ეს ისაა, რისი კეთებაც ყველაზე მეტად მიყვარს ამ ქვეყნად. წარმატება მისურვა და მითხრა, რომ ჩემზე დაკისრებულ ვალდებულებებს რირსეულად მოვკიდებოდი და თავი გამერთვა. იიგივე მითხრა ყველამ "ჩელსიში". მადლიერი ვარ "ჩელსიში" გატარებული დროისთვის და იმ ტიტულებისთვისაც რაც იქ ავიღე."

ბევრი მიიჩნევს, რომ მატას ტრანსფერი კარგად დაგეგმილი აფიორა იყო "არისტოკრატების " მიერ, რადგანაც მათ მატა მაშინ გაყიდეს, როცა თავისი თამაში ჩაატარეს "წითელი ეშმაკების" წინააღმდეგ, "ჩელსის" კონკურენტებს - "არსენალსა" და "მანჩესტერ სიტის" კი ჯერ კიდევ წინ ჰქონდათ "იუნაიტედთან" მატჩი. მატას ტრანსფერი კი გაცილებით ძლიერს ხდის კლუბს, ვიდრე "იუნაიტედი" მანამდე იყო. გარდა ამისა "ჩელსიმ" ფინანსური კუთხითაც მოიგო. თავის დროზე მატა 23 მლნ. ფუნტად იქნა შეძენილი, ახლაკი იგი 37.5 მლნ. ფუნტად გაყიდეს.

მაღალკვალიფიციური პლეიმეიკერი ბედნიერია თავისი ტრანსფერით, რადგანაც მას ისევ მიეცა სათამაშო დრო, რომელიც ნამდვილად დაიმსახურა ბოლო წლებში ნაჩვენები თამაშის წყალობით. მიუხედავად იმისა, რომ "იუნაიტედი" მისთვის უჩვეულო, მე-7 პოზიციაზე იმყოფება, მატა თვლის, რომ კლუბს ჰყავს საკმარისად კარგი ფეხბურთელები სიტუაციის გამოსასწორებლად.

manutd8.com