კენი დალგლიში თვლის, რომ ახალ ამბავს, რუნის ახალი კონტრაქტის შესახებ, ისევე როგორც ყველაფერ სხვას ორი მხარე აქვს.
"ცოტა ხნის წინ ცნობილი გახდა, რომ რუნიმ ახალ კონტრაქტს მოაწერა ხელი. ასე, რომ "იუნაიტედმა" რამდენიმე წლით შეინარჩუნა მნიშვნელოვანი მოთამაშე. ვფიქრობ ამ ამბის ფინანსურ მხარეზე ლაპარაკიც არ ღირს. რუნისთვის ფული სულაც არაა პირველ ადგილზე, მას მედლები და თასები სჭირდება"
"იუნაიტედის" გულშემატკივრები მოხარულნი უნდა იყვნენ იმით, რომ რუნი დარჩა. ამ მოთამაშის შესაძლებლობები ეჭვს არ იწვევს. ის ფაქტი, რომ უეინი სერ ალექსთან უთანხმოებაში იყო გასულ წელს, აბსოლუტურად კარგავს მნიშვნელობას. უამრავი მაგალითი არსებობს იმისა, რომ მენეჯერი და მოთამაშე ურთიერთობას ვერ ალაგებენ, მაგრამ საერთო წარმატებას მაინც აღწევენ."
"სხვა საკითხია ის, რომ რუნის ახალმა კონტრაქტმა შესაძლოა გაართულოს ახალი მოთამაშეების გადმობირება. ამ შეთანხმებამ ცხადყო, რომ "იუნაიტედს" დიდი თანხის გადახდაც შესზლებია, რასაც ტოპ-კლასის მოთამაშეების აგენტები თავისდა სასიკეთოდ გამოიყენებენ."
"მაგრამ მოდით ამას ნუ მივაქცევთ ყურადღებას. კლუბს ახლა მძიმე პერიოდი უდგას. უეინმა კი მაინც გადაწყვიტა დარჩენა, რაც მის სიყვარულს ამტკიცებს "მანჩესტერ იუნაიტედის" მიმართ. კარგია, რომ უახლოესი რამდენიმე წლის განმავლობაში ასეთი მოთამაშე "ოლდ ტრაფორდზე" იქნება."