დევიდ მოიესი გამოტყდა, რომ ის ძალიან გახარებულია რუნის გადაწყვეტილებით.

რას გრძნობთ მას შემდეგ, რაც უეინმა ახალ კონტრაქტს მოაწერა ხელი?

ძალიან ბედნიერი ვარ. ის მსოფლიო კლასის მოთამაშეა. მინდა რუნის დონის ბევრი მოთამაშე მoვიყვანო კლუბში. რა თქმა უნდა მისი გაშვება ძალიან არ გვინდოდა.

როგორ ფიქრობთ, შეძლებს რუნი სერ ბობი ჩარლტონის რეკორდის დამხობას?

რუნის ბევრი დრო აქვს ამისთვის, მან ხომ ახალ კონტრაქტს მოაწერა ხელი. ჩვენ გულშემატკივრებს ძალიან უყვართ ისეთი მოთამაშეები, როგორიც სერ ბობი და ჯორჯ ბესტი არიან. რუნი ძალიან ახლოსაა იმასთან, რომ მათ რიგებში ჩადგეს. რუნის ყველაფერი აქვს იმისთვის, რომ კლუბის ისტორიაში საუკეთესო ბომბარდირი გახდეს.

რამდენად მნიშვნელოვანია რუნი მომავლის "იუნაიტედისთვის"?

ის დაუჯერებლად მნიშვნელოვანი ფეხბურთელია, რომლის ირგვლივაც გვინდა გუნდის აშენება. ჩვენ გვინდა სახელოვანი მოთამაშეები მოვიპატიჟოთ, ისეთი მოთამაშეები კი, როგორიც უეინ რუნი და ხუან მატაა, მათ დარწმუნებაში დაგვეხმარება. რუნი მართლაც უმნიშვნელოვანესია ჩვენთვის. უყურებ როგორ მუშაობს, როგორ დებს თავს და პატივისცემით ივსები. ის საკუთარი თავისთვის არაა, გუნდური თამაში მისთვის მნიშვნელოვანია. გულშემატკივრებმა დიდი მხარდაჭერა გამოუცხადეს, რის გამოც რუნი მზადაა ყველაფერი აჩვენოს რაც შეუძლია.

ვნახეთ თუ როგორ მოვიდა კლუბში ხუან მატა. ახლა კი რუნი ახალ კონტრაქტს აწერს ხელს. არის თუ არა ეს თავისებური გზავნილი პრემიერ-ლიგის სხვა კლუბებისთვის?

სიმართლე თუ გინდათ, ასეთი კითხვები არ მაწუხებს. უფრო მთავარია ის, რომ "იუნაიტედის" გულშემატკივრებმა მომავლის გეგმები დაინახონ. რესურსი გვაქვს კლუბში სხვების მოსაწვევად. ჩვენი შეთანხმებები რომ უკანასკნელი არ იქნება, ეს დანამდვილებით შემიძლია გითხრათ.

redevils.ru