დევიდ მოიესის ბიჭებს მორიგი პრემიერ ლიგის მატჩის ჩატარება შაბათს უწევთ "კრისტალ პალასის" წინააღმდეგ. "წითლები" ამჟამად ოთხეულს 11 ქულით ჩამორჩებიან და ირვინი აცხადებს, რომ "იუნაიტედს" ახლა მხოლოდ "არწივებთან" მოპოვებული სამი ქულა გადაარჩენს.

"თუ კიდევ რაიმე შანსი დარჩა ოთხეულში მოხვედრისა ეს შანსი მოგებაა. ჩვენ აუცილებლად უნდა დავიწყოთ თამაშების მოგება და ვეცადოთ დავთრგუნოთ ცხრილში ჩვენს მაღლა მყოფი გუნდები,"–განუცხადა ირვინმა "იუნაიტედის" ოფიციალურ საიტს.

""პალასი" არც ისე მარტივი დასამარცხებელი იქნება. ტონი პულისმა შეძლო საოცრებების გაკეთება, მას შემდეგ, რაც ჩაიბარა კლუბი და "არწივებიც" უფრო მოტივირებულად და თავდაჯერებულად გამოდიან სტადიონზე."

"დარწმუნებული ვარ, რომ რამდენიმე თვის წინ, ბევრმა ხაზი გადაუსვა მათ და ფიქრობდნენ კიდეც, რომ "პალასს" ჩემპიონშიპში მოუწევდა გადასვლა. მაგრამ მათ ახლა სხვა მწრთვნელი ჰყავთ, რომელიც ფანტასტიურად მუშაობს და ჩვენ საქმეს კიდევ უფრო გვირთულებს. თუმცა ჩვენ ამ ეტაპზე ერთი რამ ვიცით, ერთი რამ გვჭირდება, ჩვენ უნდა მოვიგოთ და ამისთვის ყველაფერს გავაკეთებთ!"–დაასრულა "იუნაიტედის" ლეგენდამ.

ManUtd.com