"მანჩესტერ იუნაიტედის" 30 წლის ნახევარმცველს არ უთამაშია შოტლანდიის ნაკრებში ბოლო 16 თვის მანძილზე. ამის მიზეზი მისი ავადმყოფობა და კარიერის დროებითი შეწყვეტა იყო.

ყველაფრის მიუხედავად, მან ვარჯიში განაახლა და ახლა "ეშმაკუნების" ძირითადი შემადგნელობისთვის იბრძვის. ამასობაში კი, მან შოტლანდიის ეროვნული ნაკრების მწვრთვნელის, გორდონ სტრაჩანის ყურადღება მიიპყრო.

"შესანიშნავი იყო საშობაო პერიოდში მისი დაბრუნების ხილვა დიდ ფეხბურთში." ამბობს სტრაჩანი ფლეტჩერზე. "ჩვენ ეს შანსი უნდა გამოვიყენოთ. მე მის თამაშს თვალს ვადევნებდი და ვნახე, რომ მას ის ენთუაზიაზმი არ დაუკარგავს. დარენის ნაკრებში დაბრუნება შესანიშნავი იქნება."

"დანდი იუნაიტედის" ახალგაზრდა მცველი, ენდიუ რობერტსონი პირველად იქნა გამოძახებული ეროვნულ ნაკრებში. "სანდერლენდის" ფილ ბერდსლი კი, დიდი სანაკრებო პაუზის შემეგ კვლავ დაიცავს მისი ქვეყნის ღირსებას.

რობერტსონი და მისი თანაგუნდელი რაიან გაულდი, დიდი ალბათობით მიიღებენ მონაწილეობას 5 მარტის შეხვედრაში, რომელიც პოლონეთის დედაქალაქში გაიმართება. შოტლანდიის ნაკრებს ვერ დაეხმარება "აბერდინის" წყვილი, ტიპერ პაულეტი და მარკ რეინოლდსი.



მეკარეები: მეტ გილკსი, დევიდ მარშალი, ალან მაქგრეგორი.

მცველები: ფილ ბერდსლი, ქრისტოფ ბერა, გორდონ გრირი, გრანტ ჰანლი, ალან ჰიუტონი, რასელ მარტინი, ენდრიუ ბობერტსონი, სტივენ ვაითაქერი.

ნახევარმცველები: ჩარლი ადამი, იკეჩი ანია, ბერი ბენანი, სკოტ ბრაუნი, ქრის ბურკი, დარენ ფლეტჩერი, ჯეიმს ფორესტი, ჯეიმს მორისონი, ჩარლი მალგრიუ, რობერტ სნოდგრასი.

ფორვარდები: სტივენ ფლეტჩერი, როსს მაქქორმაქი, სტივენ ნაისმიტი.