ხერარ პიკე გამოტყდა, რომ "იუნაიტედი" ჯერ კიდევ მის გულში რჩება და ის ყოველთვის ამჯობინენს თავის კლუბს "ქალაქელებს"
"მანჩესტერს ყოველთვის განსაკუთრებული ადგილი უჭირავს ჩემს ცხოვრებაში - განაცხადა პიკემ "სიტისთან" მატჩის წინ - მე აქ ჯერ კიდევ ბავშვობაშ, 17 წლის ასაკში მოვედი. რა თქმა უნდა მინდოდა, რომ უფრო მეტი დრო მიმეღო სათამაშოდ, მაგრამ მე აქ 3 არაჩვეულებრივი წელიწადი გავატარე და ბევრი რამ ვისწავლე. "იუნაიტედი" ისევე მიყვარს, როგორც "ბარსელონა". კარგია აქ დაბრუნება."
კითხვაზე "რომელ კლუბში გადავიდოდა ამის შესაძლებლობა რომ ჰქონოდა" პიკემ უპასუხა: "თქვენ როგორ ფიქრობთ? არჩევა რომ შემეზლოს "მანჩესტერ იუნაიტედს" ავირჩევდი. მაგრამ "ბარსელონაში" ბედნიერი ვარ. ეს ჩემი ცხოვრების კლუბია და იმედი მაქვს მას არასოდეს არ დავტოვებ. მაგრამ ყოველთვის გეტყვით - "მანჩესტერ იუნაიტედი" მეორე კლუბია "ბარსას" შემდეგ."