"მანჩესტერ იუნაიტედის" ნახევარმცველს, ხუან მატას ჯერ კიდევ სჯერა, რომ მისი კლუბი ოთხეულში შესვლას შეძლებს.
პრემიერ-ლიგის დასრულებამდე 12 ტურით ადრე "წითელი ეშმაკები" 11 ქულით ჩამორჩებიან მეოთხე ადგილზე მყოფ "ლივერპულს". ბოლო ცხრა წლის მანძილზე "მანჩესტერ იუნაიტედი" პირველად დადგა ჩემპიონთა ლიგის მიღმა დარჩენის საფრთხის წინაშე. ამისგან თავის დასაღწევად კი ნამდვილი საჩემპიონო შედეგებია საჭირო.
სეზონის დარჩენილ ნაწილში "იუნაიტედს" სათამაშო დარჩა "მანჩესტერ სიტის, "ლივერპულის" და "ევერტონის" წინააღმდეგ. მაგრამ მატას სჯერა, რომ მისი ახალი კლუბი შეძლებს ოთხეულში შესვლას.
"ჩვენი მიზანი - ჩემპიონთა ლიგის ზონაში ადგილია. ეს რთულია, რადგანაც "ლივერპული", "არსენალი", "ევერტონი" და "ტოტენჰემი" არაჩვეულებრივ ფეხბურთს თამაშობენ, მაგრამ ჩვენ სწორედ ის გუნდი გვყავს, რომელსაც შეუძლია ამის გაკეთება. ეს "მანჩესტერ იუნაიტედია".
"როცა ეს კლუბი ორ, სამ, ოთხ გამარჯვებას ზეიმობს ზედიზედ, მასში ხასიათი მატულობს, გამაჯვებულის ხასიათი. ჩვენ ვიბრძვით და მე ვფიქრობ ჩვენ ეს შეგვიძლია, მაგრამ უპირველეს ყოვლისა ბევრი მატჩი უნდა მოვიგოთ." - ციტირებს მატას სიტყვებს Daily Mirror.