ყოფილი "ეშმაკი" მანჩესტერულ კლუბებზე და კატალონიის "ბარსელონას" ძლიერებაზე საუბრობს.
ხერარდ პიკე აცხადებს რომ თუ იგი არჩევანის წინაშე დადგებოდა, იგი "იუნაიტედს" აირჩევდა მათი ამჟამინდელი ფორმის მიუხედავად. პიკე ამ კლუბში 3 წლის განმავლობაში ასპარეზობდა, მანამ სანამ "ბარსელონას" არ შეურთდა 2008 წელს, სადაც მან მალევე მოახერხა ძირითად შემადგენლობაში ადგილის დამკვიდრება.
"იუნაიტედი" ახლა პრემიერ ლიგის ცხრილში მეშვიდე ადგილზე იმყოფება და ჯერ-ჯერობით ვერ ახერხებს მეოთხე ადგილზე მყოფ "ლივერპულთან" ჰანდიკაპის შემცირებას. ამასობაში მათი ხმაურიანი მეზობლები პრეტენზიას აცხადებენ პრემიერ ლიგის ტიტულის დაუფლებაზე, განაგრძობენ ასპარეზს Capital One და FA Cup-ის თასებზე და ჩემპიონთა ლიგაზე კი ურთულესი შეხვედრა ელით კატალონიელებთან.
ზემოთ აღნიშნული შეხვედრა დღეს გაიმართება და "ქალაქელების" მთავარი მწვრთვნელი, მანუელ პელეგრინი მიიჩნევს რომ მისი გუნდი ნომერი პირველია მანჩესტერში. ამის მიუხედავად, ხერარდ პიკე აცხადებს, რომ "იუნაიტედი" მისი მეორე კლუბია და არჩევანის არსებობის შემთხვევაში ის ოლდ ტრაფორდზე თამაშს ამჯობინებდა, ვიდრე ეტიჰად სთედიუმზე.
"თქვენ როგორ ფიქრობთ ?" ასე უპასუხა მან, როდესაც მას კითხვა დაუსვეს თუ რომელ კლუბში ასპარეზს ისურვება იგი.
"თუ მე არჩევანის წინაშე დავდგებოდი, აუცილებლად "იუნაიტედს" ავირჩევდი." "მე "ბარსელონაში" ბედნიერი ვარ. ეს ჩემი ცხოვრების კლუბია და მისი დატოვება სულაც არ მსურს. მაგრამ მე ყოველთვის ვამბობ რომ "იუნაიტედი" ჩემთვის ნომერი მეორე კლუბია "ბარსელონას" შემდეგ. მე ვისურვებდი, "მანჩესტერში" უფრო მეტი მატჩი ჩამეტარებინა, მაგრამ ეს მნიშვნელოვანი სამი წელი იყო, რომლის მანძილზეც მე დიდი გამოცდილება შევიძინე."
პიკე მიიჩნევს, რომ მისმა ამჟამინდელმა კლუბმა დანარჩენ მსოფლიოს უნდა დაუმტკიცოს რომ იგი ისევ საუკეთესოა. შეგახსენებთ, რომ მათ ჩემპიონთა ლიგა უკანასკნელად 2011 წელს მოიგეს, სადაც ფინალში სწორედ "იუნაიტედი" დაამარცხეს.
"ვფიქრობ, კლუბებს ისე აღარ ეშინიათ ჩვენი როგორც უწინ, ვინაიდან კლუბმა ვერ მოახერხა ბოლო ორი წლის მანძილზე ამ ჩემპიონატის მოგება. მაგრამ მიმაჩნია, რომ ისინი ჯერ კიდევ გვცემენ პატივს, რადგან ჩვენს შემადგენლობაში მსოფლიოს, ევროპის, და ლა ლიგის ჩემპიონები თამაშობენ."
"ვფიქრობ რომ ჩვენ კიდევ შეგვიძლია საუკეთესოები ვიყოთ, მაგრამ მანამდე ჩვენ მთელ მსოფლიოს უნდა დავანახოთ რომ ეს შესაძლებელია. ახლა გუნდი კარგად გამოიყურება. ჩვენ ლა ლიგის სათავეში ვართ, ვფლობთ ბურთს და გაგვაქვს გოლები. კლუბისთვის ეს შესანიშნავი შანსია რომ აჩვენოს თუ რა დიდებული ფეხბურთელები გვყავს ჩვენ, რომელთაც ყველაფრის მოგება შეუძლათ." - დაასრულა პიკემ.
წყარო:
Mirror