ბრიტანულ გამოცემებს თუ დავუჯერებთ, "ვალენსია" სერიოზულად აპირებს ზაფხულის სანტრანსფერო ფანჯრის გახსნის დროს "იუნაიტედის" ვინგერის ლუიშ ნანისა და ცენტრფორვარდის ხავიერ ერნანდესის შეძენას.

ესპანურ კლუბს მექსიკელის შეძენა გასული იანვრის სატრანსფერო ფანჯარაზეც სურადა, თუმცა ისინი ახლა სერიოზულად აპირებენ, რომ ისევ დაუბრუნდნენ 25 წლის მექსიკელს, რომელსაც მოიესის მოსვლის შემდეგ, "ოლდ ტრაფორდზე" ძალიან მცირე სათამაშო დრო ეძლევა, რითაც თავად ფეხბურთელიც ძალიან უკმაყოფილოა.

მექსიკელი მთელი ძალებით ცდილობდა "იუნაიტედის" ძირითად შემადგენლობაში ადგილის დამკვიდრებას და მისი შესაძლელბების გამომჟღავნებას, თუმცა მოიესი თანდათან უფრო და უფრო უმცირებს სათამაშო დროს. ჩიჩარიტომ ''იუნაიტედში'' მხოლოდ 4 შეხვედრა დაიწყო სასტარტო შემადგენლობიდან, ამასთანავე იგი შეცვლზე 2 ჯერ შემოვიდა.

ასევე პორუგალიელიც იგივე სიტუაციაში გახლავთ, როგორც ჩიჩარიტო. მასაც მექსიკელის მსგავსად ძალიან მცირე სათამაშო დრო აქვს, იგი სასტარტოში მხოლოდ 5 მატჩში მოხვდა მიმდინარე სეზონში, შეცვლაზე კი 2 ჯერ გამოვიდა მოედნაზე. 27 წლის ვინგერით აქტიურად ინტერესდება ტურინის "იუვენტუსიც" იტალიელები მზად არიან პორტუგალიელში 10 მილიონი გადაიხადონ და ზაფხულშივე გაიფორმონ იგი.

აღსანიშნავია ის ფაქტიც, რომ ანტონიო ვალენსია და ეშლი იანგი უფრო ხშირად არიან სასტარტო შემადგენლობაში, ვიდრე პორტუგალიელი ვინგერი. ნანიმ ვერ შეძლო მოიესის ყურადღების მიქცევა და მისი საკუთარი შესაძლებლობის დამტკიცება. ასევე ბევრი რამ იწერება ბოლო ორი წლის განმავლობაში პორტუგალიელის წასვლის შესახებ "ოლდ ტრაფორდიდან" თუმცა მან თვეების წინ ახალ 5 წლიან კონტრაქტს მოაწერა ხელი, თუმცა დიდი ალბათობით იგი ზაფხულში კლუბს დატოვებს.


წყარო: mirror.co.uk