"მანჩესტერ იუნაიტედის" თავდამსხმელი, უეინ რუნი უახლოეს სამ-ოთხ დღეში ახალ კონტრაქტს მოაწერს ხელს.
გასულ ზაფხულს რუნის კლუბის დატოვება და ხმების თანახმად "ჩელსიში" გადასვლა სურდა. თუმცა სეზონის მსვლელობისას რუნიმ მოაგვარა პრობლემები, რომელიც დევიდ მოიესთან ჰქონდა და ისევ დაბრუნდა ლიდერებს შორის.
მიუხედავად იმისა, რომ ბოლო წლების განმავლობაში "იუნაიტედი" პირველად დადგა ჩემპიონთა ლიგის მიღმა დარჩენის საფრთხის წინაშე, რუნი არათუ თანახმაა კონტრაქტის შესახებ მოლაპარაკებები აწარმოოს, არამედ იგი ახლოსაა მის გაფორმებასთან.
როგორც Press Association-ი იტყობინება, რუნი ახალ კონტრაქტს უახლოეს 48-72 საათში გააფორმებს. მოქმედი კონტრაქტი სეზონის ბოლოს უქმდება, ახალი კონტრაქტი კი 5 წელზე იქნება გათვლილი და ინგლისელს 2018/2019 წლამდე დააყოვნებს "ოლდ ტრაფორდზე".
ასეთ შემთხვევაში კი რუნი ალბათ კლუბის ისტორიაში საუკეთესო თავდამსხმელად იქცევა. რუნის ამ მომენტისთვის 208 გოლი აქვს გატანილი და ამ კომპონენტში სერ ბობი ჩარლტონს ჩამორჩება 41 გოლით.