დიდი ალბათობით, ზაფხულის სატრანსფერო ფანჯრის დროს, პორტუგალიელი ლუიშ ნანისა და მანჩესტერ იუნაიტედის გზები გაიყოფა. ამ უკანასკნელისადმი ძალიან დიდ ინტერესს ტურინის იუვენტუსი იჩენს. 27 წლის ვინგერი ამ სეზონში ტრავმამ შეაწუხა, მაგრამ ტრავმამდეც არ სწყალობდა მას დევიდ მოიესი. ამ სეზონში ნანიმ სულ 10 შეხვედრა ჩაატარა იუნაიტედის მაისურით და აქედან მხოლოდ და მხოლოდ 1 შეხვედრა ითამაშა სრულად.

ტურინის იუვენტუსი უკვე რამდენი ხანია დაინტერესებულია ლუიშ ნანით. ამასთანავე ამ ტრანსფერს ხელს ისიც უწყობს, რომ მანჩესტერ იუნაიტედის ახალი მწვრთნელი დევიდ მოიესი ზაფხულში წმენდას გეგმავს კლუბში. აქედან გამომდინარე კი დიდი ალბათობით პორტუგალიელიც დატოვებს კლუბს.

ტურინის იუვენტუსის დირექტორმა Tuttosport-ს განუცხადა,რომ ისინი ყოველ წელს ცდილობენ მაღალი კლასის ფეხბურთელების შეძენას. აქვე იმასაც შეგახსნებეთ, რომ ლუიშ ნანი მანჩესტერ იუნაიტედში ლისაბონის სპორტინგიდან გადავიდა £25.5 მილიონად. ამ დროის განმავლობაში მან იუნაიტედის მაისურით 224 მატჩი ჩაატარა და 41 გოლი გაიტანა.