ესპანური გაზეთი, AS ამტკიცებს, რომ მოიესის მცდელობა, "ატლეტიკო მადრიდის" ბრაზილიელი მარცხენა მცველის, ფილიპე ლუისის შეძენისა, კრახით დასრულდა.

გამომდინარე იქიდან, რომ პატრის ევრას შემცვლელს ეძებენ, ხოლო ფაბიო "კარდიფში" გაუშვეს, ესპანური გაზეთი ამტკიცებს, რომ მოიესი კონცენტრირებული იყო ლუისზე, თუმცა კლუბისგანაც და მოთამაშისგანაც უარი მიიღო.

მოიესი აქტიურად ეძებს მარცხენა მცველს. ბევრი მიიჩნევს, რომ პატრის ევრა სეზონის ბოლოს "ოლდ ტრაფორდს" დატოვებს, ამიტომაც მოიესს სჭირდება მისი შემცვლელი.

დევიდ მოიესმა კრახი განიცადა ლეიტონ ბეინსის შესყიდვის დროსაც, რამეთუ ინგლისელმა "ევერტონთან" ახალ კონტრაქტს მოაწერა ხელი. რაც შეეხება ლიუკ შოუს, როგორც მიიჩნევენ მას ძალიან სურს თავის საოცნებო კლუბში თამაში. ეს უკანასკნელი კი ლონდონის "ჩელსია". შოუ "არისტოკრატებს" ბავშვობიდან გულშემატკივრობს.

ლუისი 2010 წელს "დეპორრტივო ლა კორუნიდან" გადმოსვლის შემდეგ შეუერთდა "ატლეტიკოს" და ჯერ კიდევ ითვლება ერთ-ერთ ყველაზე პერსპექტიულ მარცხენა მცველად მთელი ევროპის მასშტაბით. როგორც ამბობენ, 28 წლის ბრაზილიელს სურს "ატლეტიკოს" შემადგენლობაში დარჩენა, რადგან მადრიდელები ლა ლიგის პირველობისთვის იბრძვან, ეს კი ბრაზილიელ მოთამაშეს ნაკრებში მოხვედრასა და მსოფლიო ჩემპიონატზე თამაშში დაეხმარება.


http://www.manutd8.com/