ზაფხულში კლუბი სულ შეიცვლება.
"მანჩესტერ იუნაიტედის" არაოფიციალურ საიტზე გავრცელდა ერთი ძალიან საინტერესო სტატია, რომლის ავტორიც Shane Mahon გახლავთ. შეიძლება ამ კაცის საუბარი აქ დაწერის ღირსი არაა, მაგრამ მე მინდა თქვენი აზრი მოვისმინო ამ საკითხთან დაკავშირებით.
გულშემატკივრები და ჟურნალისტები არ წყვეტენ საუბარს შესაძლო საზაფხულო წმენდასა და ახალ კონტრაქტებზე, მაგრამ მოდით ყველამ ვკითხოთ საკუთარ თავს,რომელ სუპერვარსკვლავს მოუნდება იმ კლუბში თამაში, რომელიც ჩემპიონთა ლიგაზე არ იქნება? მე "მანჩესტერ იუნაიტედის" გულშემატკივარი ვარ და ვერ ვხედავ იმას თუ როგორ უნდა ავიდეს გუნდი მე-7 ადგილიდან, რომ აღარაფერი ვთქვათ ოთხეულზე. უკვე დროა გულშემატკივრები შევეგუოთ დღევანდელ რეალობას და მომავალს ილუზიით არ შევხედოთ.
ოთხეულში მოხვედრა ჯერ-ჯერობით მიუღწეველი ოცნებაა და ჩემპიონთა ლიგაზე გამარჯვებაც კი არ არის გარანტი იმისა, რომ "მანკუნიანელები" მომავალ სეზონში ამ ტურნირზე ითამაშებენ. ასეთ შემთხვევაში "ლივერპული" დაკარგავს თავის ადგილს ჩემპიონთა ლიგაზე, მაგრამ ნებისმიერ შემთხვევაში ეს უეფა-ს ცალკეული კომისიის გადასაწყვეტია. არაჩვეულებრივი ინქებოდა, მაგრამ არის კი შანსები? ამ სტატიას "არსენალთან" მატჩის შემდეგ ვწერ, რომელიც იგივე "ლივერპულმა" ერთი კვირის წინ საკუთარ მოედანზე მიწასთან გაასწორა.
სიამოვნებით ვკითხავდი დევიდ მოიესს, თუ რომელი ადგილის დაკავებას ელოდება სეზონის ბოლოს.
დღევანდელი შემადგენლობა - შესაძლო წასვლები
პირველი მოთამაშე, რომელმაც შემადგენლობა დატოვა, ანდერსონი გახლავთ. იჯარით გადავიდა ზაჰა "კარდიფში" და აქ გადასვლაც არ უნდა იყოს დაკავშირებული მხოლოდ სათამაშო ფორმის დაკარგვასთან.
რაც შეეხება ტომ კლევერლის...არც კი ვიცი საიდან დავიწყო. ეს არის ადმაიანი, რომელსაც მომავალ პოლ სკოულზად მიიჩნევდნენ. ახლა კლევერლი როგორც მინიმუმ გადაჭარბებით შეფასებულ მოთამაშეს ჰგავს, რომელიც სკოულზთან ერთად თამაშის დროს უკეთესად გამოიყურებოდა. ასეთია ჩემი პოზიცია კლევერლისთან დაკავშირებით. მას ვერ ვხედავ იმ "იუნაიტედის" შემადგენლობაში, რომელსაც თასის აღება შეუძლია. მოდით ისტორიას ჩავუღრმავდეთ. ვინმეს შეუძლია დაასახელოს ნახევარმცველი, რომელიც "მანჩესტერ იუნაიტედმა" მთელი სეზონით გაუშვა იჯარით რომელიმე კლუბში, მერე იგი დაბრუნდა და ძირითადის ფეხბურთელი გახდა? მე არ შემიძლია. "უიგანიდან" დაბრუნების შემდეგ, კლევერლიმ რამდენიმე კარგი მატჩი ჩაატარა. ამ სეზონში იგი ძირითადის ღირსი არაა. "იუნაიტედისა" და კლევერლის სანაკრებო კარიერისთვისაც აჯობებს, რომ სხვა კლუბში გადავიდეს.
მე მზად ვარ, შანსი მივცე მარუან ფელაინის, გამომდინარე მისი ტრავმებიდან, თანაც მინდა დავრწმუნდე, რომ 27 მლნ საქმეში დაიხარჯა.
რაფაელის ფორმა - ნამდვილი გამოცანაა. მე ვფიქრობ, რომ იგი ამ სეზონში გაცილებით ცუდად მოქმედებს დაცვაში, ნორმალურ მოწოდებებს კი საერთოდ ვერ აკეთებს თავდასხმისას, ამის დასტურად შეგვიძლია "ფულემთან" მატჩი ავიღოთ.
ნემანია ვიდიჩი მიდის, ფერდინანდი კარიერის დასრულებაზე ფიფქრობს...ჩვენი დაცვის მომავალი ჯერჯერობით ბურუსითაა მოსილი და ოპტიმიზს ანელებს.
ტრანსფერებს რომ დავუბრუნდეთ, მაინტერესებს თუ შევძლებთ მატას დონის მოთამაშეების მიზიდვას და ასეთი თამაშით ჩემპიონთა ლიგის მიღმა დარჩენილებს თუ შემოგვიერთდება ვინმე.
რაც შეეხება სკაუტების სისტემას
ისტორია ნათლად გვაჩვენებს, რომ ჩვენ, ისე როგორც არავის შეგვიძლია ახალგაზრდა ტალანტების აღმოჩენა. როცა ფერგიუსონმა წასვლის შესახებ განაცხადა, ცოტა ვინმემ თუ მიაქცია ყურადღება იმ ფაქტს, რომ მთავარი სკაუტის პოსტი დატოვა მისმა ძმამ, მარტინ ფერგიუსონმა. ამ უკანასკნელმა თავის დროზე რუუდ ვან ნისტელროი გადმოგვიყვანა და მისმა წასვლამ კლუბს ძლიერ ავნო.
იმისათვის, რომ გუნდი გადააწყო, სკაუტთა ძლიერი სისტმაა საჭირო. ისტორია გვიჩვენებს, რომ ძლიერი სისტემით შესაძლებელია ჩემპიონი გუნდის ჩამოყალიბება. ჩვენ ადნან იანუზაი გვყავს, რომლისთვისაც არამარტო ქვეყნები, არამედ საუკეთესო კლუბებიც კი იბრძვიან. თუ შევძლებთ და მას შევინარჩუნებთ, ასევე ძლიერ სკაუტს ვიშოვით, ეს დიდი წარმატება იქნება.
ვუდვორდის დაპირება - გუნდის გაძლიერება
ედ ვუდვარდის სიტუაცია - ჩემი აზრით გლეიზერების არასწორი გადაწყვეტილებების შედეგია, რომელიც გამოწვეული იყო დევიდ გილის წასვლით. ვუდვორდი კომერციულ განყოფილებაზე აგებდა პასუხს და უცებ ერთ-ერთ მთავარ თანამდებობაზე აღმოჩნდა კლუბში. ანდერ ერერასთან კონტრაქტის გაფორმება ყველას მოსწონდა, მაგრამ ის ფაქტი, რომ ჩვენ იგი ხელიდან გავუშვით, ვუდვორდისა და მისი დამხმარეების ცუდი მუშაობის შედეგია.
ჯერ უცნობია, ზედმეტი გადავიხადეთ თუ არა ფელაინიში - ამას დრო გვაჩვენებს. იმედი მაქვს, რომ გლეიზერების მიერ გამოყოფილი ფული და მოიესის სატრანსფერო პოლიტიკა გუნდს ძლიერ გააძლიერებს.
http://redevils.ru