ბრაიან რობსონი, კაპიტანი 1982-1994

"მანჩესტერ იუნაიტედის" ისტორიაში ბრაიან რობსონი ერთი გამორჩეული რეკორდით შევიდა: მასზე დიდხანს ოლდტრაფორდული კლუბის კაპიტანი არავინ ყოფილა. ის 1982-1994 წლებში კაპიტნობდა კლუბს, სადაც ოთხასზე მეტი ოფიციალური შეხვედრა ჩაატარა. ინგლისის ერთ-ერთ ყველაზე ტიტულოვან კლუბში ბრაიან რობსონი 1981 წლის 1 ოქტომბერს გადაბარგდა "ვესტ ბრომვიჩ ალბიონიდან". მის სანაცვლოდ მანჩესტერელებმა 1,5 მილიონი გირვანქა გადაიხადეს - ამ გარიგებით ბრაიან რობსონი 1987 წლამდე ინარჩუნებდა ბრიტანეთის ყველაზე ძვირადღირებული ფეხბურთელის წოდებას. 1983 წელს "მანჩესტერ იუნაიტედმა" ასოციაციის თასის ფინალში "ბრაიტონთან" განმეორებით შეხვედრაში 4:0 გაიმარჯვა. ბრაიან რობსონმა დუბლი შეასრულა და თასი კაპიტნის რანგში ჩაიბარა. მოგვიანებით, 1985 და 1990 წლებში მან კიდევ ორჯერ აღმართა თასი და გახდა "მანჩესტერ იუნაიტედის" პირველი კაპიტანი, რომელმაც სამჯერ ჩაიბარა ეს პრესტიჯული ჯილდო.



სტივ ბრიუსი, კაპიტანი 1992-1996

ლეგენდარული სტივ ბრიუსი, რომელმაც "იუნაიტედის" მაისურით 414 შეხვედრა ჩაატარა და 51 გოლის გატანა მოახერხა. კლუბთან ერთად ბრიუსმა 12 ტიტულის მოგება მაოხერხა. კაპიტნის სამკლაურით მან 3-ჯერ აღმართა პრემიერ ლიგის თასი, 1992–93, 1993–94 და 1995–96 წლის სეზონებში.



ერიკ კანტონა, კაპიტანი 1996-1997

ლეგენდარული ფრანგი მოთამაშე 1992-1997 წლებში თამაშობდა ოლდტრაფორდულ კლუბში და ხუთი სეზონის მანძილზე ოთხჯერ გახდა ინგლისის ჩემპიონი. 1996 წლის გაზაფხულზე "მანჩესტერ იუნაიტედმა" ასოციაციის თასის ფინალში 1:0 სძლია "ლივერპულს". გადამწყვეტი გოლი კანტონამ შეაგდო და გახდა პირველი არაბრიტანელი კაპიტანი, რომელმაც თასი აღმართა.



როი კინი, კაპიტანი 1997-2005

როი კინი, შეიძლება ითქვას, რომ ერთადერთი ადამიანია, რომლისაც თავად სერ ალექს ფერგიუსონსაც კი ეშინოდა. 1990–იანი წლების ბოლოს და 2000–იანი წლების დასაწყისში ირლანდიელი "მანჩესტერ იუნაიტედის" ლიდერი და მსოფლიოს ერთ–ერთი უძლიერესი საყრდენი ნახევარმცველი იყო. "იუნაიტედის" ისტორიაში კინი ყველაზე ხელხვავიანი კაპიტანია: მისი ხელმძღვანელობით ოლდტრაფორდელებმა ყველაზე მეტი, 9 ტიტული მოიპოვეს: 4-ჯერ მოიგეს პრემიერლიგა, 2-ჯერ ასოციაციის თასი, თითოჯერ კი ინგლისის სუპერთასი, ჩემპიონთა თასი და საკონტინენტთაშორისო თასი.



გარი ნევილი, კაპიტანი 2005-2011

გარი ნევილი "მანჩესტერ იუნაიტედის" შემადგენლობაში 1991 წელს ჩაირიცხა. 1992 წელს, კი სადებიუტო თამაში ჩაატარა მოსკოვის ტორპედოსთან. 1994 წლიდან იგი გახდა "მანჩესტერ იუნაიტედის" რეგულარული მოთამაშე მარჯვენა მცველის პოზიციაზე. 2005 წლის დეკემბერში, როი კინის გუნდიდან წასვლის შემდეგ გუნდის ახალი კაპიტანი გახდა. ნევილს მანჩესტერთან ერთად აქვს მოგებული: 7 პრემიერ ლიგა, 3 ასოციაციის თასი, ორი ჩემპიონთა ლიგა და ინგლისის თასი. მან 588 მატჩი ჩაატარა "იუნაიტედის" მაისურით და ამ მაჩვენებლით კლუბის ისტორიაში მეხუთე ადგილს იკავებს.



ნემანია ვიდიჩი, კაპიტანი 2011-2014

სერბი მცველი, გუნდის ლდიერი და ამჟამინდელი კაპიტანი კლუბს 2006 წლის 5 იანვარს შეუერთდა. "იუნაიტედს" კაპიტნის ტრანსფერი 7 მილიონი დაუჯდა. ვიდიჩი კლუბში უკვე 9 სეზონია ასპარეზობს, მან 289 მატჩი ჩაატარა და აქედან 281 ძირითადში დაიწყო. სერბმა ფეხბურთელმა კლუბთან ერთად 15 ტიტული მოიგო. ვიდიჩმა ცოტა ხნის წინ ოფიციალურად განაცხადა, რომ კლუბს ამ ზაფხულს დატოვებს.