ესპანელმა ნახევარმცველმა განაცხადა, რომ ბედნიერია თავის ახალ კლუბში ნებისმიერ პოზიციაზე თამაშითაც კი.
სეზონის პირველ ნაწილში ხუან მატამ ვერ შეძლო და "ჩელსის" დამრიგებლის, ჟოზე მოურინიოს თავი ვერ მოაწონა. შედეგად იგი იანვარში "წითელ ეშმაკებს" შეუერთდა 37.1 მილიონ ფუნტ სტერლინგად.
უკანასკნელ 4 შეხვედრაში მატამ სხვადასხვა პოზიციაზე ითამაშე, მაგრამ თავისი საუკეთესო თამაში ვერსად ვერ აჩვენა. "მანჩესტერ იუნაიტედის" ზოგიერთი გულშემატკივარი უკვე აკრიტიკებს დევიდ მოიესს იმის გამო, რომ მან ესპანელში ესოდენ დიდი თანხა გადაიხადა. ამას ისიც ემატება, რომ მატას მოსვლის შემდეგ სათადარიგოში ახალგაზრდა ნიჭიერი ბელგიელი, ადნან იანუზაი დასვეს, რომელიც წლის ნამდვილი აღმოჩენაა.
თუმცა მატა სიამოვნებას იღებს თავისი თამაშისგან და მზადაა ითამაშოს როგორც ფლანგზე, ასევე პლეიმეიკერის პოზიციაზე.
"ჩემი კარიერის განმავლობაში მე მომიხდა თამაში მარჯვნივ, მარცხნივ და თავდამსხმელიც უკანაც კი. ამაზე არ ვღელავ და ვთამაშობ იქ, სადაც მწვრთნელი მეტყვის. მე ბედნიერი ვარ ამ კლუბში, ძალიან ბედნიერი."
"მე სიამოვნებას ვიღებ საკუთარი თამაშით, მე მაქვს სათამაშო დრო და მე ვთამაშობ ძალიან, ძალიან დიდ კლუბში, იმედი მაქვს სეზონს წარმატებით დავასრულებთ." -ციტირებს მატას სიტყვებს Goal.