"მანჩესტერ იუნაიტედის" მთავარმა მწვრთნელმა დევიდ მოიესმა "არსენალთან" უგოლო ფრის შემდეგ მცირე კომენტარი გააკეთა მატჩზე.
მოიესმა გადაწყვიტა გუნდს მეორე ნომრად ეთამაშა "ემირეითს სთეიდიუმზე", მაგრამ "იუნაიტედს" შეეძლო სამი ქულის მოპოვება, როგორც "კონონირებს". რობინ ვან პერსის ორი შესანიშნავი შანსი ჰქონდა, რომ ვოიცეხ შესნის კარი დაელაშქრა, მაგრამ ჰოლანდიელმა ფორვარდმა ორივეჯერ წააგო მეკარესთან დუელი.

დევიდ მოიესი კმაყოფილი დარჩა თამაშით, მაგრამ მას არ გაჰხარებია ის ფაქტი, რომ კლუბმა მორიგი ქულები დაკარგა და თუ ასე გაგრძელდება ყველაფერი "წითელმა ეშმაკუნებმა" შესაძლოა ჩემპიონთა ლიგის საგზური ვერ მოიპოვონ.

"კმაყოფილი ვარ, მაგრამ სამი ქულის აღება ძალიან მინდოდა. "არსენალი" შესანიშნავ სეზონს ატარებს, ასე რომ ნულოვანი ფრე არც ისე ცუდი შედეგია ჩვენთვის. იმის გათვალისწინებთ, თუ როგორ გვექცევა ფორტუნა, ვფიქრობდი, რომ მესუტ იოზილი მატჩის დასასრულს ჯარიმას გაგვიტანდა. კმაყოფილი ვარ იმით, რაც ფეხბურთელებმა მინდორზე გააკეთეს."

"ნემანია ვიდიჩმა და რიო ფერდინანდმა შესანიშნავი მატჩი ჩაატარეს. მათ ძალიან კარგად გამოიყენეს ის გამოცდილება, რასაც მრავალი წლის განმავლობაში აგროვებდნენ. არ მიყვარს იღბალზე ლაპარაკი, მაგრამ იმედი მაქვს ის მალე ჩვენსკენ შემობრუნდება."

"ბოლო რამდენიმე მატჩია, ჩვენ რობინის და რუნის ტანდემს ვუყურებთ. მათი სტატისტიკა ყოველ მატჩში უმჯობესდება, მაგრამ ჩვენ აუცილებლად უნდა მოვიგოთ თამაშები. თუ რომელიმე კლუბი არსებობს პრემიერ-ლიგაში, რომელსაც შეუძლია სეზონის მეორე ნახევარში ქულების მაქსიმუმი აიღოს და სხვა კლუბებზე დიდი ზეწოლა მოახდინოს - ეს "მანჩესტერ იუნაიტედია"." - აცხადებს მოიესი BBC-თან.

წყარო:http://fapl.ru