დევიდ მოიესმა უარყო ინფორმაცია იმის შესახებ, რომ "არსენალთან" მატჩს გამოტოვებენ მარუან ფელაინი და ფილ ჯონსი. მისი განცხადებით დღევანდელ მატჩში შესაძლოა ორივე ფეხბურთელი ვიხილოთ მოედანზე.

ჯონსმა მიიღო დაზიანება თავის არეში ჯონათან უოლტერთან შეჯახების შემდეგ, ამის გამო მას მოუწია "ფულემთან" გამართული შეხვედრის გამოტოვება.

რაც შეეხება ფელაინს, იგი 4 დეკემბრის მერე არ გამოსულა მოუედანზე, მას შემდეგ რაც ჩაიტარა ოპერაცია მაჯაზე. პროცედურების დასრულების შემდეგ მისი დაბრუნება კიდევ ერთი კვირით გადაიდო, რადგან მან მიიღო საზარდულის ტრავმა ვარჯიშზე.

თუმცა მედიასთან საუბრის დროს, მოიესმა აღნიშნა, რომ ორივე ფეხბურთელი ახლოსაა სრულ გამოჯანმრთელებასთან და ორივეს ექნება მოედანზე გამოსვლის შანსი.

ასევე მენეჯერმა ისაუბრა ამ დაპირისირების მნიშვნელობაზე.

"ეს წლების განმავლობაში ძალიან კარგი დაპირისპირება იყო." - განაცხადა მან. "ჩვენ არაერთი შესანიშნავი მატჩი გვინახავს ამ გუნდების მონაწილეობით. მე ძალიან კარგად ვიცი თუ რაოდენ მნიშვნელოვანი გუნდები არიან ისინი "პრემიერ ლიგისთვის". ეს ყოველთვის ძალიან რთული დაპირისპირება იყო."

წყარო: ManUtd.com