"მანჩესტერ იუნაიტედის" მთავარმა მწვრთნელმა დევიდ მოიესმა განაცხადა, რომ მისმა გუნდმა აუცილებლად უნდა მოიპოვოს გამარჯვება პრემიერ-ლიგის ბოლო ადგილოსან "ფულჰემთან". "იუნაიტედი" უკვე დამარცხდა მის პირდაპირ კონკურენტებთან: "ევერტონთან", "ლივერპულთან" და "ტოტენჰემთან" .
დევიდ მოიესის შეგირდებს უფლება აღარ აქვთ ქულა დაკარგონ, თუ მათ ნამდვილად სურთ ჩემპიონთა ლიგის საგზურის მოპოვება, ამას ისიც ემატება, რომ "ეშმაკუნები" ოთხშაბათს "ემირეითსზე" "არსენალს" უნდა დაუპირისპირდნენ.
"ჩვენ აუცილებლად მოვიგებთ ამ მატჩს. იმისთვის, რომ სასურველ პოზიციას მივაღწიოთ, აუცილებელია ჩვენი მოწინააღმდეგე კლუბები შეცდნენ. ჩვენ ჩვენს შანსს აუცილებლად გამოვიყენებთ. უნდა შევინარჩუნოთ თავდაჯერებულობა, რაც დაგვეხმარება ცხრილში კიდევ უფრო ზევით ავიწიოთ."
"ჩვენ ნებისმიერი გამარჯვებით დავკმაყოფილდებით. შემიძლია ვთქვა, რომ "სტოკთან" ("იუნაიტედი" დამარცხდა 2-1) კლუბი უკეთესად გამოიყურებოდა, ვიდრე "კრისტალ" პალასთან ("იუნაიტედმა" 2-0 მოიგო). ჩვენ ნამდვილად შეგვიძლია თამაშის ხარისხის გაუმჯობესება."
"ოთხშაბათს ჩვენ მატჩს გავმართავთ "არსენალთან", ასე რომ ესეც უნდა გავითვალისწინოთ." - დაასრულა დევიდ მოიესმა The Guardian.--თან.