დევიდ მოიესი ზაფხულის სატრანსფერო ფანჯრის დროს 100 მილიონ ევროს დახარჯავს. ეს იქნება რეკორდული თანხა "იუნაიტედის" ისტორიაში, რომელიც ტრანსფრებისთვის გამოიყოფა. შოტლანდიელ სპეციალისტს გუნდში შექმნილი კრიზისის გამოსწორება ტრანსფერებით სურს. მას სრულ მხარდაჭერას უცხადებენ კლუბის მფლობელები, გლეიზერების ოჯახი. მანჩესტერელთა მთავარი სამიზნე "იუვენტუსის" ნახევარდაცვის წყვილი, არტურო ვიდალი და პოლ პოგბა იქნებიან. მათი საერთო ფასი დაახლოებით 60 მილიონი ევრო იქნება.
მოიესი გუნდში შექმნილი ვითარების გამოსწორებას ტრანსფერებით ეცდება
არტურო ვიდალი და პოლ პოგბა მანჩესტერელთა მთავარ სამიზნეებად ითვლებიან
მოიესს ასევე სურს "აიაქსის" ცენტრალური მცველის, ჯოელ ველტმანის და "საუტჰემპტონის" ფლანგის მცველის, ლუკ შოუს დამატება. ამავდროულად, მანჩესტერელთა მწვრთნელი ეცდება მადრიდის "ატლეტიკოს" 25 წლის ბრაზილიელი ფორვარდის, დიეგო კოშტას შეძენას, რომლითაც ის უკვე დიდი ხანია ინტრესდება. მოიესმა სია უკვე გადასცა ედ ვუდვორდს, რომელსაც ევალება ყველა ტრანსფერის შესრულება.
პოგბა-ვიდალის დუეტისთვის "იუნაიტედის" ხელმძღვანელობა 60 მილიონ ევროს გამოყოფს
ყველაფერი ამ ორ ადამიანზეა დამოკიდებული
თუ მოიესს მძიმე ტვირთი შეხვდა და არის სერ ალექსის მემკვიდრე, არანაკლებ მძიმე სამუშაოს ასრულებს ედ ვუდვორდი, რომელიც დევიდ გილის მემკვიდრეთ ითვლება. ვუდვორდისთვის პრობლემა არ იქნება ფინანსური საკითხების მოგვარება ტრანსფერის დროს, მაგრამ თუ "იუნაიტედი" ვერ შევა ჩემპიონთა ლიგის ზონაში, ფეხბურთელთა დაყოლიება კიდევ უფრო გაჭირდება. ვუდვორდი კლუბში 2005 წელს მოვიდა და წარმატებით უძღვებოდა ფინანსურ საკითხებს. დევიდ გილის წასვლის შემდეგ ის დააწინაურეს. ჯერ-ჯერობით ვუდვორდი წარმატებით ართმევს თავს დაკისრებულ მოვალეობებს- მატას ტრანსფერი "ჩელსიდან" ამის კარგი მაგალითია.
დიეგო კოშტა "იუნაიტედის" რადარზე მოხვდა
მანჩესტერი ახალგაზრდა ბრიტანელი მცველის შეძენასაც ეცდება
რაც შეეხება პოლ პოგბას- 20 წლის ნახევარმცველი "იუნაიტედის" აკადემიის აღზრდილია, კლუბი კი სათამაშო დროის ნაკლებობის გამო დატოვა. ის მანჩესტერშიც გამორჩეული ახალგაზრდა იყო, მაგრამ "იუვენტუსში" კიდევ უფრო კარგად ათამაშდა. ახლა "იუნაიტედს" მოუწევს 30 მილიონი ევროს გადახდა მასში, ვინც 18 თვის წინ უფასოდ გაუშვა იტალიაში. მისი ჩილელი გუნდელი, არტურო ვიდალი კიდევ უფრო ძვირად ფასობს. ის "ბებერმა ქალბატონმა" 2011 წელს 10 მილიონ ევროდ შეიძინა "ბაიერ ლევერკუზენიდან".
ჯოელ ველტმანი(მარჯვნივ) ვიდიჩის შემცვლელად მოიაზრება
ნემანია გუნდს ზაფხულში დატოვებს
ნემანია ვიდიჩის გადაწყვეტილებამ მოიესს აიძულა დაიმატოს ცენტრალური მცველი. ერთ-ერთი მცველი, ვის ყიდვასაც მანჩესტერი ეცდება ველტმანია. "იუნაიტედის" აგენტი დაესწრო მის თამაშს "გრონინგემის" წინააღმდეგ. მატჩს "არსენალის", "ჩელსის" და "სიტის" სკაუტებიც ესწრებოდნენ.