უყურო "მანჩესტერ იუნაიტედის" თამაშს იგივეა, რაც უყურო რომანტიულ კომედიას. სიუჟეტი ასეთია, მთავარმა გმირმა იპოვა გოგონა და ყველაფერს აკეთებს იმისთვის, რომ ის მიიღოს. ფილმის შუა ნაწილში მთავარი გმირი სირთულეებს ხვდება, შემდეგ ამ ყველაფერს გადალახავს და იმ გოგონასაც მიიღებს. ბედნიერი დასასრული და მაყურებელი თვალებიდან ცრემსლ იშრობს.
ასე იყო ძველად...
ახლა, ჩვენ მხოლოდ საშინელებათა ფილმს ვუყურებთ!
დიდი ხანია მივეჩვიეთ "მანჩესტერ იუნაიტედის" ლაღ თამაშს, რომელსაც შეუძლია ნებისმიერი ადამიანი მოხიბლოს. შესანიშნავი ფეხბურთელები, ჯადოსნური "ოცნების თეატრი", რომელიც გამარჯვებების ადგილად იქცა.
იმედგაცრუების და სასოწარკვეთილების ცრემლები, მალევე შეიცვალა სიახრულის ცრემლებით. დრო გავიდა და გულშემატკივარი სტადიოზნე იმისთვის რჩებოდა, რომ "Fergie time" ენახათ. ახლა კი გულშემატკივარი "Moyes time"-ს არ ელოდება, რომელშიც "იუნაიტედი" საკმაოდ ბევრ გოლს უშვებს.
ყოველი წუთის შემდეგ, "იუნაიტედის" ჩემპიონთა ლიგაზე მოხვედრის შანსი მცირდება და ყველას ძალიან სურს, 2013-14 წლის სეზონი მალე დაივიწყონ. მოდით ვიყოთ რეალისტები, დროა კლუბი შემდეგი სეზონისთვის მოემზადოს.
კლუბს ახალი თილისმა სჭირდება, რომელიც ახალი გუნდის წამყვანი ფიგურა გახდება. მოიესი, კი ასეთ ფეხბურთელად ადნან იანუზაის მიიჩნევს. ამ სეზონში ბელგიელი ვუნდერკინდი ერთადერთ ნათელ წერტილად ითვლება "იუნაიტედის" ჩაბნელებულ სამეფოში. იანუზაის ნამდვილად აქვს ნიჭი და შესაძლებლობა, რომ მსოფლიო დონის ვარსკვლავი გახდეს, მაგრამ ამ ყველაფერს დრო სჭირდება. მაგრამ როდესაც ასეთი დიდებული გუნდი ერთ მოზარდზეა დამოკიდებული და ფიქრობს, რომ სწორედ ის მოზარდი გამოიყვანს კრიზისიდან, აუცილებლად რაღაც უნდა შეიცვალოს კლუბში.
სამწუხაროდ მოიესს ძალიან დიდი დრო არ აქვს, ხოლო გულშემატკივარი ყოველი მარცხის შემდეგ კარგავს მოთმინებას. დარწმუნებული ვარ მოიესი, როგორც ფერგი, იანუზაის მსოფლიო ფეხბურთის თამაშის გემოს აგრძნობინებს და შემდეგ სისტემატიურად შეიყვანს დიდ თამაშებში.
თუ "იუნაიტედი" ჩემპიონთა ლიგის მიღმა დარჩება, გუნდში დიდი გაწმენდა მოხდება. უეინ რუნი, პირველი მოისურვებს კლუბის დატოვებას, და კლუბსაც ურჩევნია მისგან ფული აიღოს, ვიდერ თავად ფორვარდმა გადაწყვიტოს გუნდიდან თავისუფალი აგენტის სახით წასვლა. შესაძლებელია უეინს, რობინიც მიყვეს. ჰოლანდიელი "არსენალიდან" "ოლდ ტრაფორდზე" იმ იმედით გადმოვიდა, რომ ტიტულები მოეპოვებინა, მაგრამ კლუბი სერ ალექს ფერგიუსონის წასვლის შემდეგ "ბოქსიორის ტომარას" დაემსგავსა, ხოლო ვან პერსი ისეთი კლუბის ძებნას დაიწყებს, რომელსაც უფრო მეტი პოტენციალი ექნები ტიტულებისთვის ბრძოლაში.
რიო ფერდინანდი უკვე ფიქრობს, თუ რით დაკავდეს საფეხბურთო კარიერის შემდეგ. ეს ის რიო აღარ არის, ძველი რიო ფერგისთან ერთად წავიდა. მოიესი დაინტერესებულია მარცხენა მცველის შეძენით, ასე რომ პატრის ევრას წასვლაც არ არის გამორიცხული. შოტლანიელი ნამდვილად არ ენდობა შინჯი კაგავას და თუ ასე გაგრძელდება, იაპონელი მალე გერმანიაში დაბრუნებაზე იფიქრებს. ასევე გაურკვეველია ვიდიჩის მომავალიც, დიდი ალბათობით ისიც დატოვებს კლუბს.
კლუბმა თავდაჯერებულობის გრძნობა დაკარგა. ყოველთვის სანდო ვალენსიას თითქოს ბურთის ჩაწოდება დაავიწყდა და ახლა დარბის აქეთ-იქით სანამ რომელიმე მცველი არ მივა და მის მაგივრად არ ჩააწვდის ბურთს. გული მწყდება, რომ მის მაგივრად ბურთს სმოლინგი აწვდის. ნანი და ეშლი იანგი ძალიან არასტაბილურები არიან, რას უნდა მოველოდეთ მათგან.?
იმის თქმაც არ შეიძელბა, რომ ამ გუნდს მომავალი არ აქვს. ვხედავ ნათელ მომავალს დავიდ დე ხეაში. ფილ ჯონსს და ჯონი ევანს ცენტრში შეუძლიათ თამაში. დიდი იმედი მაქვს, რომ რაფაელი ჩვენგან წასვლას არ მოისურვებს, რადგან ახლა მარჯვენა ფლანგი, სწორედ მას ეკუთვნის დამსახურებულად. ნიკ პაუელი შესანიშნავად ასპარეზობს "უიგანში" და მას ნამდვილად შეუძლია მომავლის "იუნაიტედის" მთავარი წამყავნი ფიგურაც კი გახდეს. ველბეკიც ნელ-ნელა ამტკიცებს თავის პროდუქტიულობას. იანუზაის კი შეუძლია მსოფლიოში საუკეთესო ფლეიმეიქერი გახდეს. გამიხარდებოდა ხავიერ ერნანდესის მთავარ თავდამსხმელად ნახვა, იმ შემთხვევაში თუ კლუბს რობინი და რუნი დატოვებენ. სასიხარულო იქნებოდა უილფრედ ზაჰას და ჯესი ლინგარდის კლუბში ნახვა.
თუ კლუბი ტიტულების გარეშე დარჩება, ბევრ ფეხბურთელს აღარ მოუნდება ჩვენთან თამაში, მითუმეტეს ახლა, როდესაც "ფული ჯოჯოხეთს ანათებს". რომან აბრამოვიჩი და მისნაირი მილიარდელები, ისევ გააგრძელებენ სატრანსფერო ფანჯრის დროს მილიონების ხარჯვას.
მოიესმა ბევრი უნდა იმუშაოს, რომ შესაფერისი ფეხბურთელები შეიძინოს. "მანჩესტერ იუნაიტედი" ყოველთვის დაიკვეხნის იმით, რომ ის ვარსკვლავებს არ ყიდულობს, არამედ თვითონ ზრდის მათ. ამ სიაში არ ვიღებთ რობინს.
პირველ რიგში ისინი უნდა ვიყიდოთ, ვინც "იუნაიტედის" მაისურის ტარების ღირსია და ვისაც სისხლში "წითელი ეშმაკის" დნმ აქვს. მათ უნდა იბრძოლონ ყველაფრის მიუხედავად, რადგან სწორედ ასეთმა ფეხბურთელებმა აქციეს "იუნაიტედი" დიდებულ კლუბად.
ჩვენ არ ვთამაშობთ ძალიან ლამაზ ფეხბურთს, ეს წოდება "არსენალს" და "ბარსელონას" ეკუთვნით. ჩვენ არ ვაგროვებთ ვარსკვლავებს, ეს "რეალის" და "სიტის" საქმეა.
ჩვენ ვართ კლუბი, რომელიც არასდროს ნებდება. ჩვენ არ დავნებებულვართ, როდესაც "ოლდ ტრაფორდი" დაბომბეს, არ დავნებეულვართ "მიუნხენის ტრაგედიის" შემდეგ! არ დავნებებულვართ სერ მატ ბასბის წასვლის შემდეგ და არც ჩემპიონთა ლიგის ფინალში დავნებდით, როდესაც მატჩის დასრულებამდე სამი წუთით ადრე "იუნაიტედი" 1-0 აგებდა "ბაიერნთან". ჩვენ სერ ალექს ფერგიუსონის წასვლის მერეც ვიბრძოლებთ!
"მანჩესტერ იუნაიტედის" ტრადიციას და ისტორიას არავინ დაივიწყებს. ბასბის და ფერგის თაობის შემდეგ იწყება ახალი თავი კლუბის ისტორიაში!
დაიმახსოვრეთ ეს რთული პერიოდი, რადგან მალე "მანჩესტერ იუნაიტედი" ისევ წამოდგება ფეხზე. როგორც საშინელებათა ფილმების უმრავლესობაში, ფილმის მთავარი გმირი ბოლოს ცოცხალი რჩება!