"იუნაიტედის" მწვრთნელმა, ფილ ნევილმა ისაუბრა მომღერალი სექტორის რეალიზაციაზე. როგორც ცნობილია, ეს სექტორი კვირის მატჩში "ფულემის" წინააღმდეგ დაბრუნდება. პირველად ეს იდეა ჩემპიონთა ლიგის მატჩში, "რეალ სოსიედადთან" განხორციელდა და საკმაოდ წარმატებულიც გამოდგა. სტადიონს ერთ-ერთ კუთხეში, კერძოდ J და K ტრიბუნაზე კვლავ განთავსდება მომღერალი სექტორი. აქ ზუსტად 2,661 ადამიანი ეტევა.





ფილ ნევილმა განაცხადა, რომ ბედნიერი იქნება, თუ ეს პროექტი ყველა მატჩში განხორციელდება, რადგან მომღერალი სექტორი ხელს უწყობს ატმოსფეროს გაუმჯობესებას "ოლდ ტრაფორდზე":"იდეალური იქნებოდა, თუ 75,000 კაცი ერთად იმღერებდა, მაგრამ მოდით მხოლოდ რეალურად ვისაუბროდ. თუ მომღერალი სექტორი სისტემატიურ სახეს მიიღებს, გააქტიურდება ტრიბუნების სხვა ნაწილები."







"მე ვკითხულობ ფან-ზონების განცხადებებს. ვხედავთ, რომ ეს ყველაფერი ჯერ-ჯერობით სისტემატიურად არ ხდება, მაგრამ იმედია ყველა თამაშში იქნება მომღერალი სექტორი."

არსებობს რამდენი ფაქტორი, რაც ხელს უშლის ამ პროექტის განხორციელებას. უნდა განისაზღვროს ადგილი, სადაც განთავსდება მომღერალი ტრიბუნა. ასევე შეიქმენება პრობლემები სეზონურ ბილეთებთან. "ფულემთან" მატჩში ბევრი მათგანი სწორედ მომღერალ სექტორს მიაშურებს და არა თავის ადგილს. ასევე უარი მიიღება სტუმარი ფანების სექტორის სხვაგან გადატანასთან დაკავშირებით, უსაფრთხოების დაცვის მიზნით. ასე რომ, ფანებს, რომლებსაც სურთ მომღერალი სექტორის სისტემატიური მოქმედება, ჯერ-ჯერობით მოცდა მოუწევთ. ერთ-ერთი ფან-ზონა აცხადებს:"მოდით ვიყოთ გულახდილები: "ფულემს" არ აქვს კარგი ატმოსფერო "კრივენ კოტეჯზე". ვეცადოთ, რომ "იუნაიტედის" ჩანტები საუკეთესო გახდეს ინგლისში. სწორედ ამიტომ, საჭიროა ცვლილებები."