მატა: დიდი პატივია ვან პერსისთან და რუნისთან თამაში
მატამ განაცხადა, რომ მისთვის დიდი პატივია რობინ ვან პერსისთან და უეინ რუნისთან თამაში და დაამატა, რომ მათთან ერთად ძალიან ბევრს მუშაობს ურთიერთგაგებაზე.
მატამ განაცხადა, რომ მისთვის დიდი პატივია რობინ ვან პერსისთან და უეინ რუნისთან თამაში და დაამატა, რომ მათთან ერთად ძალიან ბევრს მუშაობს ურთიერთგაგებაზე.
შემტევი ტრიო უკვე იხილეს "იუნაიტედის" გულშემატკივრებმა "სტოკთან" მატჩში, თუმცა მათი ძალისხმევა არ აღმოჩნდა საკმარისი 3 ქულის მოსაპოვებლად.
თუმცა ესპანელი ფეხბურთელი თვლის, რომ ის უკვე დამკვიდრდა "იუნაიტედში" და აპირებს გამოიყენოს ისეთი კალიბრის ფეხბურთელებთან ერთად თამაშის შანსი, როგორიც უეინ რუნი და რობინ ვან პერსი არიან.
"ჩვენ ვარჯიშის დროს ბევრს ვმუშაობდით ურთიერთგაგებაზე." განუცხადა მატამ MUTV-ს. "თუმცა როცა საქმე გაქვს ისეთ ფეხბურთელებთან, როგორებიც ისინი არიან, ყველაფერი ადვილი გეჩვენება."
"რობინ, უეინი და ადნანი ფანტასტიური ფეხბურთელები არიან და დიდი პატივია მათ გვერდით თამაში."
"მე მსურს გავაკეთო ჩემი მაქსიმუმი კლუბის დასახმარებლად. ვფიქრობ, ჩემი მთავარი ამოცანა ასისტების გაკეთება და ფორვარდებისთვის მომენტების შექმნაა. თუმცა თუ გოლსაც გავიტან უკეთესი იქნება."
"ჩემი კარიერის განმავლობაში, ნახევარმცველის პოზიციიდან ბევრი გოლი გამქონდა და შევეცდეები იგივე გავაეკთო ახლაც, რადგან ამ გრძნობას არაფერი შეედრება."
მატამ დაამატა, რომ მან უკვე გაიცნო ქალაქი მანჩესტერი და მისი მეგობრის, დევიდ დე ჰეას დახმარებით უკვე მოახერხა სახლის პოვნა. 25 წლის ნახევარმცველი ძალიან მოხარულია დე ჰეას და სხვა თანაგუნდელების მხარდაჭერით, ისევე როგორც კლუბის გულშემატკივრების ქომაგობით.
"ის დახვედრა, რომელიც მე ფეხბურთელებმა, მენეჯერმა და გულშემატკივრებმა მომიწყვეს, უბრალოდ საოცარი იყო. არასდროს დამავიწყდება ჩემი დებიუტი "ოლდ ტრაფორდზე". იმედი მაქვს, რომ სეზონის ბოლომდე რაც შეიძლება ბევრ მატჩს მოვიგებთ, რადგან გულშემატკივრები ამას იმსახურებენ."
"დევიდი ძალიან დამეხმარა პირველ დღეებში. პირველი კვირა ის სულ ჩემთან იყო, ყოველ წუთას მირეკავდა, რომ შეემოწმებინდა კარგად ვიყავი თუ არა და მეკითხებოდა რა მჭირდებოდა. მე მას ბავშვობიდან ვიცნობ და ძალიან მიხარია რომ ისევ ერთად ვართ."