უეინ რუნიმ დაუფარავად ისაუბრა იმის შესახებ, რომ იგი მოუთმელად ელის ხუან მატასთან და რობინ ვან პერსისთან ერთად თამაშს. სერ ბობი ჩარლტონი, ჯორჯ ბესტი და დენის ლოუ 60-იანი წლების შესანიშნავ სამეულად მიიჩნეოდა, რომელებიც მიუძღვოდნენ კლუბს გამარჯვებებისკენ. სწორედ ამ სამეულს ადარებს ბევრი თანამედროვე "იუნაიტედის" შემტევ ხაზს.
რუნიმ, მატამ და ვან პერსიმ ერთხელ უკვე დაიწყეს მატჩის პირველივე წუთები ერთად, მაგრამ ყველსგან მოულოდნელად "ეშმაკუნებმა" ეს მატჩი 2-1 დათმეს "სტოკ სიტისთან", თუმცა BBC-სთან საუბარში რუნი აცხადებს, რომ ეს სამეული ნამდვილად მოუტანს წარმატებას რთულ პერიოდში მყოფ "იუნაიტედს".
"მე ნამდვილად კარგად ვიცნობ რობინს. მასთან ერთად უკვე საკმაო დროა ვთამაშობ. ახლა კი მატა, რომელსაც ერთი შეხედვითაც შეატყობ რომ შესანიშნავად გამოსდის ბურთის კონტროლი." - აცხადებს რუნი. "მას შეუძლია შექმნას და გაიტანოს გოლი. ასე რომ, მისი გუნდში ყოფნა ძალიან მნიშვნელოვანია ჩემთვისაც და დანარჩენი ფეხბურთელებისთვისაც. იმედი მაქვს, ჩვენ ყველა ერთად ვიშრომებთ და თავს კარგად წარმოვაჩენთ მოედანზე."
"როდესაც კლუბში მატასა და რობინის ნაირი ფეხბურთელები გყავს, ასევე დანარჩენი ფეხბურთელები, რომლებიც კლუბში არიან, გინდა ყოველთვის მოიგო და ისიამოვნო თამაშით. ეს არის ის, რაც ჩვენ გვჭირდება. შედეგი და სანახაობა ერთდროულად." დაასრულა რუნიმ.