"მანჩესტერ იუნაიტედის" ოფიციალურმა საიტმა ტრადიციულად გამოკითხვა ჩაატარა, სადაც იანვრის თვის საუკეთესო გოლი უნდა დაესახელებინათ. საუკეთესოდ "იუნაიტედის" ნახევარმცველის, ეშლი იანგის გოლი დასახელდა, რომელიც მან 28 იანვარს, "კარდიფს" გაუტანა.
"ეს ჩემს საუკეთესო გოლებს შორისაა"- განუცხადა ეშლიმ MUTV-ს. "როცა დავარტყი მივხვდი, რომ გოლის გასვლის კარგი შანსი იყო, აღნიშვნა იქამდე დავიწყე სანამ ბურთი ბადეში შევიდოდა."
ინგლისელმა გამოკითხულთა ხმების 68% მოგროვება შეძლო. 16%-ით მეორე ადგილი "იუნაიტედის" ახალგაზრდა ტალანტის, ჯესი ლინგარდის გოლმა დაიკავა, რომელიც მან "საუტჰემპტონს" გაუტანა 21-წლამდელთა პრემიერ ლიგაში. მესამე ადგილი მექსიკელი თავდამსხმელის, ხავიერ ერნანდესის გოლს ერგო, რომელიც მან "სანდერლენდს" გაუტანა ლიგის თასის ნახევარფინალში. ჩიჩარიტომ ხმათა 11% დააგროვა.
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.