დევიდ მოიესმა გადაწყვიტა გუნდის კაპიტნის სამკლაური ნემანია ვიდიჩისთვის კაპიტნის სამკლაური ჩაებარებინა, მას შემდეგ რაც ამ უკანასკნელმა განაცხადა, რომ იგი ზაფხულში კლუბის დატოვებას აპირებს.
ვიდიჩი, რომელიც ბოლო ხანები აქტიურად იყო დაკავშირებული მილანის "ინტერთან" უკაპიტნებს გუნდს დარჩენილი სეზონის განმავლობაში. დევიდ მოიესი აცხადებს, რომ ის კვლავ ძირითად ფეხბურთელად დარჩება და დაეხმარება კლუბს ოთხეულში შესვლაში. "ეს იყო ის, რაც ორივე მხარემ ერთად შევათანხმეთ" - აცხადებს მოიესი. "ვფიქრობ, რომ ეს გადაწყვეტილება კლუბისთვისაც და ფეხბურთელისთვისაც მომგებიანი იქნება. ვიდიჩი შესანიშნავი ფეხბურთელია და ის კაპიტნად დარჩება სეზონის ბოლომდე. ის მშვენივრად გამოგვადგა და დარჩენილი დროის განმავლობაში ჩვენ მას აქტიურად გამოვიყენებთ."
ბოლო ადგილზე მყოფ, "ფულჰემს" გუნდი ჯონი ევანსის და მარუან ფელაინის გარეშე გამართავს, თუმცა მწყობრშია ფილ ჯონსი, რომელიც ტრავმის გამო დატოვა მოედანი "სტოკ სიტისთან" გამართულ მატჩში.
ეს მატჩი გამორჩეული იქნება იმითაც, რომ "ფულჰემის" ახალი მენეჯერი, რენე მალესტინი პირველად ესტუმრება ოლდ ტრაფორდს, მას შემდეგ რაც მან დატოვა "იუნაიტედის" სამწვრთვნელო შტაბი. დევიდ მოიესი კი მოუთმელნად ელის რენესთან შეხვედრას.
"როდესაც აქ მოვედი, რენე მე დამეხმარა." აცხადებს მოიესი. "მე მასთან მქონდა საუბრები, ის მეხმარებოდა და მიხსნიდა თუ რა დამოკიდებულება დამეჭირა ფეხბურთელებთან. მე მინდოდა ის კლუბში დარჩენილიყო, მაგრამ როდესაც წასვლა გადაწყვიტა მე მას ვერ შევეწინააღმდეგე. მასთან შეხვედრას მე მოუთმენლად ველი." დაასრულა შოტლანდიელმა.