"მანჩესტერ იუნაიტედის" მენჯერმა დევიდ მოიესმა დაადასტურა, რომ ვიდიჩის წასვლის შესახებ გადაწყვეტილება ორმხრივი შეთანხმების შემდეგ იქნა მიღებული.
როგორც მოგეხსენებათ, "იუნაიტედის" კაპიტანს კონტრაქტი ამ ზაფხულს ეწურება, თუმცა ის არ აპირებს მის გახანგრძლივებას და შემდეგი სატრანსფერო ფანჯრის პერიოდში ის გუნდს დატოვებს.
"ეს გადაწყვეტილება ერთობლივად მივიღეთ მე და ნემანიამ." - განაცხადა მოიესმა. "ვფიქრობ ეს სწორი გადაწყვეტილება იყო მისთვისაც და კლუბისთვისაც."
"რაც მასთან განვიხილე საიდუმლოდ დარჩება, თუმცა უნდა ვთქვა, რომ მან შესანიშნავი სამსახური გაუწია "მანჩესტერ იუნაიტედს". ის გუნდის კაპიტანია და სეზონის ბოლომდე ასე იქნება. ვიდიჩი შესანიშნავი ფეხბურთელია და აუცილებლად მიიღებს მონაწილეობას დარჩენილ მატჩებში."
"ხალხმა იცის, რომ მე საკუთარი გეგმები მაქვს და მინდა გუნდში რამდენიმე ცვლილება მოვახდინო. თუმცა ვიდიჩის წასვლის მიზეზი ეს არ არის, მისი გაშვება ჩემს გეგმებში არ ყოფილა. როგორც უკვე გითხარით ჩვენ ეს გადაწყვეტილება ერთად მივიღეთ. ის ფიქრობდა, რომ მისი წასვლის დრო მოვიდა. ჩვენ ამას შევეგუებით და გავაგრძელებთ წინსვლას."