გარი ნევილმა და სერ ბობი ჩარლტონმა პატივი მიაგეს მიუნხენის 1958 წლის ტრაგედიაში დაღუპულ ადამიანებს. უკვე 56 წელი გავიდა იმ საშინელი ტრაგედიიდან, რომელმაც მატ ბასბის გუნდის რვა ფეხბურთელი შეიწირა. დღეს "ოლდ ტრაფორდთან" არაერთი გულშემატკივარი შეიკრიბა, რომლებმაც გაიხსენეს ისინი და პატივი მიაგეს მათ სულებს.













მათ მოიგეს ევროპის თასის ნახევარფინალი, ხოლო როდესაც უკან, ბრიტანეთში ბრუნდებოდნენ, მათი თვითმფრინავი ჩამოვარდა. უგონოდ მყოფი სერ ბობი ჩარლტონი ცეცხლმოკიდებული თვითმფრინავიდან "იუნაიტედის" მეკარემ, ჰარი გრეგმა გამოიყვანა. ამ ადამიანმა კიდევ შვიდი გუნდელის გამოყვანა შეძლო უსაფრთხო ადგილას- ჯოფ ბენტის, როჯერ ბირნის, ედი კოლმენის, მარკ ჯონსის, დევიდ პეგის, ტომი ტეილორის და ლაიამ ველანის. დანკან ედვარდსმა საავადმყოფოში 15 დღე განაგრძო სიცოცხლისათვის ბრძოლა.

ბობი ჩარლტონს არ უყვარს ამ თემაზე საუბარი, მაგრამ ITV-ს ჟურნალისტს, მაიკლ პარკინსონს მაინც მისცა ინტერვიუ:"მე ვფიქრობდი:"რატომ გადავრჩი?" მე არაფერი მჭირდა, თუ არ ჩავთვლიდით თავის დაზიანებას, ჩემი მეგობრები კი დაიღუპნენ. ეს უსამართლობა იყო, რატოომ მაინცდამაინც მე? დიდი ხანი დამჭირდა, რათა თავი უკეთ მეგრძნო. ამ ფეხბურთელებს შეეძლოთ უამრავი წარმატების მიღწევა, ამიტომ მიჩნდება კითხვა, რატომ დაგვატყდა თავს ეს უბედურება?"